ভার্টিয়া জনতা পার্টি (বি জে পি) গী নোরথ ইষ্ট- ইন-চার্জ অমসুং পোলিটিকেল পার্টি অসীগী নেস্নেল স্পোক্সপর্সন ওইনা লৈরিবা দা. সম্বিট পট্রানা হন্দক নুমীৎ নীনীগী খোঙচত্তা ইম্ফাল দা লাক্লমখিবা অদূদা তোঙান- তোঙানবা লুচিংবশিং ইম্ফাল অমসুং চুরাচান্দপুরদা চত্তুনা উনরমখি। মহাক্না সিভিল সোসাইটি ওরগনাইজেসন কয়াগী লুচিংবশিংনা থাঙ্গৎলকখিবা ৱাফমশিং পূক্নীঙ- চঙনা তাখি অদুগা লূপশিংনা তোঙান- তোঙানবা দিমান্দশিং য়াওবা মেমোরেন্দমশিংসু মঙোন্দা পীশীনখি।
মহাক্না মশাগী নুমীৎ নীনীগী ইম্ফাল খোঙচৎ লোইশিল্লকপদা কাংপোকপি দিষ্ট্রিক্ট হেদক্বার্টরদা চত্তুনা মফম অদুদা লৈরিবা এম এল এ নেমচা কিপগেনগী রেসিদেন্স তা চৎখি লোয়ননা নেমচাগা উনদুনা ৱারী-ৱাতায় শান্নরমখি। মদুগী মতূঙদা সম্বিট পট্রানা কোতু য়াওনা অতৈ কুকি- জোগী লূপশিংগা উনরমখি।
করি-করম্বা ৱাফম খন্নখিবগে হায়বা চপচানা খঙবা ঙমদ্রবসু কোতুগী মায়কৈদগী চেনা অহুম পানবা মেমোরেন্দম অমা পট্রাদা পীশীন্দুনা কুকি- জো কাঙলূপনা দিমান্দ তৌরিবা সেপরেট এদমিনিষ্ট্রেসন পীবীনবা, রিহেবিলিটেসন অমসুং জষ্টিস ফংহনবিয়ু হায়না তকশীনখি হায়না কোতুনা ফোঙদোরক্লি। কাঙপোকপিদা মহাক্না চৎলম্ল বা মতূঙ ন্যু দিল্লিগীদমক ইম্ফাল থাদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে