মনিপুরদা লৈরিবা য়েলহৌমীশিংগী অপূনবা শক্তম অমসুং টেরিটোরিয়েল ইন্টিগ্ৰিটি অসী মচেৎ কয়া থোক্না থুগাইরগা মখোয়গী ওইবা তোঙানবা সেপরেট এদমিনিষ্ট্রেসন অমা শেম্ননবা পান্দমদা মপান লৈবাক্তগী আইন কায়না লোন্না চঙশীল্লকখিবা চিন-কুকি নার্কো- টেরোরিষ্ট শিংনা হৌখিবা কুমশিং ২০২৩ গী মে অহুমদগী চত্থরক্লিবা হীঙশাগী ঈরাং অসি চহী অনী মপূঙ ফারকপগা মরী লৈননা মীয়ামগী ওইবা মীফম অমা থা অসীগী অহুয়দা ইম্ফালগী খুমন লম্পাক্তা পাঙথোকখ্রে।
মনিপুরগী মফম কয়াদগী লাকপা মীওই লাখ অমরোম হেনবনা শরুক য়াখিবা পব্লিক কনভেন্সন অদূদা কোর্দিনেটিং কম্মিটি ওন মনিপুর ইন্টিগ্ৰিটি (কোকোমি) গী কনভিনর খূরায়জম অথৌবনা চ্যের লৌখি অদূগা থবক্তগী পোত্থারবা আই এ এস ওফিসার আর কে নিমাইনা মোদরেটর ওইনা শরুক য়াখি। সিভিল সোসাইটি ওরগনাইজেসন কয়াগী লুচিংবশিংনা মখোয়গী অনীংবা-অপাম্বা ৱাফম কয়া ফোঙদোক্নখিবা থৌরমদুদা অরম্বাই তেঙ্গোলগী লূচীঙপুরেল কোরৌঙানবা খূমন্নসু মীয়ামগী মীৎ-নাকোং ওইগদবা, কান্নরবা ৱাফম কয়া থমখি।
মীয়াম অমসুং ঐখোয়গী সি এস ওশিংগী লুচিংবশিংনা ঐখোয় মশেল পূন্সীন্নবগী হৈনবী অমা লৈত্রিবসি লাইবক থীবনি, মীয়ামগী লুচিংবশিং অমত্তা ওইনা পূন্না চঙশীনমীন্নসি, লুচিংবা তান্নবগী ৱাখল্লোন থাদোকপিয়ু, মতমদুদা মীয়ামগী মাঙ থাদুনা অরম্বাই তেঙ্গোলনা থবক তৌজগে, মীয়ামগী অপাম্বদু থবক্তা ওন্থোকচগে হায়খি। মীয়ামগী মীফম অদূদা তোঙান- তোঙানবা ৱারেপ কয়াসু লৌখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে