ইম্ফাল ইষ্ট দিষ্ট্রিক্ট কি পোরোম্পাৎ পুলিস ষ্টেসনগী জুরিসদিক্সন মনূঙচন্না লৈরিবা খেত্রিগাউ অৱাং লৈকায়দা লৈবা প্রিন্সটন ইন্টর্নেস্নেল স্কুলগী গেট্টা ঙরাং অয়ূক শকখঙদবশিংনা শক্তি লৈরবা বোম অমা থমজিন্দুনা মহৈরোয়শিং অমসুং মীয়ামদা অকী-অখং নংহনখ্রে।
অয়ূক পূঙ ৪.৩০ রোম তারকপদা স্কুল অসীগী স্বিপরনা বোম অদূ ইহান হান্না থেংনরকখিবনি হায়রি। বোম অদূ থেংনখ্রবা মতূঙদা লৈকায়গী মীয়াম্না খূদক্তা পোরোম্পাৎ পুলিস্তা পাউ পীখিবগা লোয়ননা পুলিসকি টিম অমা লাক্তুনা ফীভম অদূ য়েংশিনখি। মদূগী তুংদা ষ্টেটকি বোম দিটেক্সন এন্দ দিস্পোজেল স্কৱাদকি এক্স পার্ট টিম অমা লাক্তুনা অশোয়- অঙাম অমত্তা য়াওহন্দনা লৌখৎখি। বোম অদূ খেত্রি অৱাংচীঙগী নাকন্দা, চীঙখোঙ মনাক্কি লৌবূক অমদা অশোয়- অঙাম য়াওহন্দনা দিফ্যুজ তৌখি।
প্রিন্সটন ইন্টর্নেস্নেল স্কুল অসী খেত্রিগাউ কেন্দ্রগী এম এল এ শৈখ নুরুল হাসনগী ঈমূঙ-মনূঙনা চল্লাইবনি। বোম অদূ করি মরমগীদমক কনানা থমজিল্লম্লিবনো হায়বদু হৌজিকমক্কি ওইনা খঙদোকপা ঙমদ্রি। থৌদোক অদূগী মতাঙদা কনাগুম্বা লন্নাই মীওই নত্রগা লূপ অমত্তনা ক্লেইম তৌরকপসু লৈত্রি। থৌদোক অদূগী মতাঙদা পোরোম্পাৎ পুলিসনা কেস অমা রেজিষ্টর তৌদুনা থিজিনবা হৌখ্রে।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে