মনিপুর পুলিস অমসুং সেন্ট্রেল সেক্যুরিটি ফোর্সকি কম্বাইন টিমশিংনা মনিপুরগী চীঙ অমসুং তম্পাক্কি মফমশিংদা পাক-সন্না কোম্বিং ওপরেসন চত্থদুনা মীয়ামদগী নমদূনা শেনখায়-থুমখায় চত্থবদা চেন্নবা শকখঙদবশিং অমসুং খুনাইগী মায়োক্তা থবক তৌরিবা খূৎলায় পায়বা মীওইশিং ফাগৎপগী থবক কয়া পায়খৎলকপা লেপত্রি।
মসিগী মনূঙ চন্না ঙরাং এপ্রিল ২৮ দসু মনিপুর পুলিস অমসুং সেন্ট্রেল সেক্যুরিটি ফোর্সকি কম্বাইন টিমশিংনা ইম্ফাল নোংচুপ পানাগী মনূঙচন্না সীঙজমৈ পুলিস ষ্টেসনগী জুরিসদিক্সনদা লৈবা লংথাবাল কুঞ্জ অৱাং লৈকায় য়াম্বেম লৈরক মচীন্দগী প্রিপাক প্রোগী এক্তিব কাদরনি হায়বা নহা অমা ফাগৎপা ঙমখ্রে। মহাক্কি মমিং হিজম ঙম্বা (২৪) কৌই, ইম্ফাল নোংচুপ পানাগী সগোলবন্দ থাংজম লৈরক্তগীনি হায়রি।
মহাক দাক্তরশিং, মীয়াম অমসুং তোঙান তোঙানবা বিজিনেস ইষ্টাব্লিসমেন্ট শিংদগী এক্সটোর্সন চত্থবদা চাউনা চেন্নরিবা মীওইনি হায়না পুলিসনা ফোঙদোরক্লি। মঙোন্দগী মেগজিন য়াওবা পিষ্টোল অমা, ৭.৬৫ কি নোংমৈ মরূ রাউন্দ অনী ফংবা ঙমখি। মোবাইল হেন্দসেট অনী অমসুং টু হ্বিলর গারি অমসু মঙোন্দগী ফাগৎপা ঙমখ্রে হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে