হন্দক ফল লাউথোকখ্রবা কাউন্সিল ওফ হায়র সেকেন্ডরি ইদুকেসন মনিপুরনা লৌবা ক্লাস ত্বেল্ব ইগজামিনেসন্দা তরেৎশুবা পোজিসন্দা পাস তৌরকখ্রবা রাজ থৌদামদি য়ু পি এস সিগী মখাদা সিভিল সার্বিস এগজাম মায়োক্নরবা মতূঙদা ইন্দিয়ান ফোরেন সর্বিসতা লৈদুনা মীয়ামগী সেবা তৌবা পাম্লি।
মহাক হৌজিক-হৌজিক বিষ্ণুপুর দিষ্ট্রিক্টকি মনূঙচন্না লৈবা তৌবূল রিলিফ কেম্প তা অপোকপা শরত থৌদাম অমসুং অপোকপী মিরাবাইগা লোয়ননা চঙজফম লৌদুনা লৈরিবনি। রাজ থৌদাম অসী চুরাচান্দপুর দিষ্ট্রিক্টকি সালেম ভেংদা পোকপনি মহাক মফম অদুদা চাউরক্তুনা দিষ্ট্রিক্ট অদূগী মনূঙদা লৈবা দোন বোস্কোদা ক্লাস টেন ফাওবা তম্লক্তুনা ফাইনেল এগজাম পীরবা মতূঙদা রিজল্ট লাউথোরকপা ঙাইরিঙৈদা কুমশিং ২০২৩ গী মে অহুমদা ঈরাঙ থোকখিবনা হানখিবদগী মফম অদুদগী লাঞ্জেন্নরকখিবনি হায়না রাজনা পাউমীশিংদা ফোঙদোকখি।
অহানবদা মহাক্কি ঈমূঙ মনূঙগী মীওইশিংগা লোয়ননা মতম খরা মোইরাংদা লৈবা সিন্দম শঙলেন রিলিফ কেম্পতা চঙজফম লৌদুনা লৈরকখি হায়না ফোঙদোকখি। মদূগী মতূঙদা থৌবালদা লৈবা মপূ-মবেলনা থম্লম্বা য়ূমদা মতম খরা অমুক লৈরমখি। মদুদগী তৌবূলদা লৈবা রিলিফ কেম্পতা লৈরগা ঊৎলৌদা লৈবা চনুরা বজারদা লৈরিবা য়ুনাকো স্কুলদা ক্লাস ইলেবেন অমসুং ত্বেল্ব ষ্টেন্দর্দ ফাওবা তম্লকখীবনি হায়না ফোঙদোকখি।
You may also like
-
মনিপুরদা শেল-থুমগী ফীভম ফত্রবসু সেকমাই কেন্দ্রগী ওইনদি মীয়ামগী মপূঙফাবা সপ্পোর্ট কা লোয়ননা দেভলপমেন্ট পুরকপা ঙম্লি: দিঙ্গো
-
ৱিমেন কম্মিসনগী টিম্না মনিপুর সেন্ট্রেল জেলদা চত্তুনা ইনমেটশিংগী ফীভম য়েংশিনখ্রে
-
ইম্ফালগী শিজা হোস্পিটালনা আই জি এম হোস্পিটাল, আগরটালাগা খূৎশম্নরগা ফ্রী হার্ট কেম্প পাঙথোক্তুনা অঙাঙ ২০ গী স্ক্রিনিং পাঙথোকখ্রে
-
ঈমালোন চাওখৎহন্ননবা ঐখোয় পূন্না হোৎনমিন্নরসি, মনিপুরি লোল মূৎখ্রবদি ঐখোয়গী খুনাই অসিসু মমি শামখ্রগনি : এম এস এফ
-
দোমেষ্টিক ভাইওলেন্স কেসতা মীওই অমা ফাগৎখ্রে