হৌখিবা লৈবাকপোকপা নুমিত্তা পাকিষ্টান্দা বেজ তৌবা লাস্কর-ই-তাইবাগী য়ুনিট অমা ওইরিবা রেজিষ্টেন্ট ফ্রন্টনা চত্থরকখিবা টেরর এত্তেক্টা য়ামদ্রবদা মীচম ২৬ শিখ্রে। মখোয়শিং অদূ অয়াম্বদি লম কোয়রকখিবা টুরিষ্টশিংনি হায়রি। অনন্তনাগ দিষ্ট্রিক্টকি মনুঙচন্না লৈরিবা পেহলগামগী বাইসারন লমদমদা লাইবক থীবা থৌদোক অদূ লৈবাকপোকপা নূমিৎকি অয়ুক্তা থোকখিবনি।
বাইসারন হায়রিবা লমদম অদূ অহাঙবা, ফজরবা লমহাং মরাঙ কায়না লৈবগা লোয়ননা মহৌশাগী ফজরবা শক্তম কয়ানা লৈতেংবনা মরম ওইদুনা মিনি স্বিটজরলেন্দ কৌনরিবা মফম অমনি। মফম অদূ গারীনা চঙশীনবা য়াদবা মরম্না লম কোয়বশিংনা খোঙনা নত্রগা শগোল তোংদুনা কোয়বা চৎনরিবা মফম্নি হায়রি। তমথীরবা টেরর এত্তেক্ট অদূ রেজিষ্টেন্ট ফ্রন্ট কি লালহৌবশিংনা চত্থখিবনি হায়না মশানা ক্লেইম তৌরকখ্রে।
হৌখিবা লৈবাকপোকপা নূমিৎকি নুমিদাংদা য়ুনিয়ন হোম মিনিষ্টর আমিট শাহা জম্মু অমসুং কাশ্মিরদা চত্তুনা মফম অদূগী সেক্যুরিটিগী ফীভমশিং য়েংশিনখিবগা লোয়ননা থৌদোক অদুদা চেন্নরিবা টেরোরিষ্টশিং লেমনা থারোই হায়বা ৱাফম ফোঙদোকখ্রে। এন আই এ গী টিম অমসু থৌদোক থোকখিবা মফমদুদা থুংখিবগা লোয়ননা পুলিসনা লৌখৎলিবা থিজিন-হুমজিনবগী থবক- থৌরমশিংদা মতেং পাংশিনখ্রে। সাউদি আরাবিয়াদা চৎখিবা প্রাইম মিনিষ্টর নরেন্দ্র মোদিগী খোঙচৎসু তেন্সীন্দুনা ইন্দিয়াদা হল্লকখ্রে। টেরর এত্তেক্ট অদুদা মীওই অহুম চেন্নৈ হায়বা কনফার্ম তৌখ্রে।