য়ুনিয়ন গভর্নমেন্ট না টোপ আই এ এস ওফিসার খরা রিসফল তৌরকখিবগা লোয়ননা মনিপুরদগী ট্রাইবেল আই এ এস ওফিসার অনী ফাইনান্স মিনিষ্ট্রিগী সেক্রেটরি-লেভেল পোজিসনশিংদা লৈহনখ্রে। মরূ ওইরবা মিনিষ্ট্রি অসীগী মকোকথোংবা পোজিসনশিংদা অৱাং নোংপোক লমদমগী আই এ এস ওফিসারশিং থৌ পুহনবগী থৌওং অসী হন্দক্কি অসিনা অহানবনি, মনিপুরগী ওইনা চাউথোকচনিঙায়নি হায়রি।
কুকি-জোমি মার কম্যুনিটিগী মনূঙচনবা পাইটে ফূরুপকি আই এ এস ওফিসার ভূমলুনমাং বুৱালনম অসী ১৯৯২ বেটচকি আই এ এস ওফিসারনি। মহাকপু ফাইনান্স মিনিষ্ট্রিগী এক্সপেন্দিচর সেক্রেটরি ওইনা থৌ পুহনখ্রে। মাও-নাগা কাঙলূপকি ১৯৯০ বেটচকি আই এ এস ওফিসার কে মোজেস চলাইসু পব্লিক এন্টরপ্রাইজেস দিপার্টমেন্ট তা সেক্রেটরি ওইনা থৌ পুহনখ্রে।
মমাঙ চয়োলদা মিনিষ্ট্রি ওফ ফাইনান্স কি টোপ রেঙ্কিং ওফিসারশিং অমসুং অতৈ মিনিষ্ট্রিশিংগী ওফিসারশিং রিসফল তৌবদা মনিপুরদগী কুকি- জো কাঙলূপকি ওফিসার অমগা মাও- নাগা কাঙলূপকি ওফিসার অমগা ফাইনান্স মিনিষ্ট্রিগী য়াম্না মরুওইবা থৌদাংশিং শিন্নরকখিবা অসী মনিপুরখক্তগী নত্তনা অৱাং নোংপোক লমদমগী ওইনসু চাউথোকচনিঙায় ওইরিবনি।
You may also like
-
জম্মু কাস্মিরগী পেহলগামদা লৈবাকপোকপা নুমিত্তা চত্থরকখিবা টেরর এত্তেক্টা য়ামদ্রবদা মীচম ২৬ শিরে
-
১৩৪ রক শুবা খোংজোম দে থৌরম মপূঙফানা পাঙথোকখ্রে
-
ষ্টেট সেক্যুরিটি পার্সনেলশিং মীফম য়াওদনবা কাংপোকপি দিষ্ট্রিক্ট পুলিসকি এস পিনা অকনবা ৱার্নিং তৌখ্রে
-
মনিপুরগী মহৈরোই ১৩ ইসরোগীদমক ইম্ফাল থাদোকখ্রে
-
মনিপুরগী দিষ্ট্রিক্ট মরীদা কম্বাইন্ড ফোর্সনা সর্স ওপরেসন চত্থবদা য়াম্লবা খূৎশু-খূৎলায়শিং রিকোভর তৌবা ঙমখ্রে