হৌখিবা মার্চ ১৫ দা মশাগী চহী অনীখক্তা ঙায়রিবী অন্ধরা প্রদেশকি নূপীমচা অমা বার্দ ফ্লূ নাবদগী লায়কন্নবা ঙমদনা হোস্পিটালদা লৈখিদ্রে হায়রি।ওফিসিয়েলশিংনা ৱাফম অসী হৌখিবা য়ূমশকৈশা নুমিত্তা ফোঙদোরকখিবনি। পুনেদা বেজ তৌবা নেস্নেল ইন্সটিট্যুট ওফ ভাইরোলোজি (এন আই ভি) না নূপীমচা অদুগী সেম্পল টেষ্ট তৌরবা মতূঙদা বার্দ ফ্লুনি হায়বসি কনফার্ম তৌরকখিবনি হায়রি।
ওফিসিয়েলশিংনা এজেন্সিদা ফোঙদোরকখিবগী মতূঙ ইন্না অঙাঙ অদূ মঙ্গলাগিরিদা লৈবা এইমস তা লায়কন্নরিঙৈ চৈরক্তা লৈখিদবনি হায়খি। মহাক্কি ঈমূঙ- মনূঙগী অতোপ্পা মীওই অমত্তা বার্দ ফ্লূ নাবগী খূদম অমত্তা লৈতে। মরম অসিনা নূপীমচা অদুখক মতৌ করম্না বার্দ ফ্লূ নারম্লিবনো হায়বসিদা মেদিকেল অথোরিটিশিংদা অঙকপা অমা ওইহনখ্রে হায়রি।
অঙাঙ অদূ অহীঙবা য়েনগী শাগুম্বা চাশীনখিবা লৈব্রা হায়না ঈমূঙগী মীওইশিংদা দাক্তরশিংনা হংলুবদা, মহাক মরক মরক্তা অহিংবা য়েনশা পিচ অমা নত্রগা অনীফাওবা চাবা য়াওখি হায়না মমা-মপাগী মায়কৈদগী পাউখুম পীরকখি হায়রি। মসীনা মরম অমা ওইরগা অঙাঙ অদুদা বার্দ ফ্লূ চঙলক্নবগী অচৌবা মরম অমা ওইগনি হায়না অথোরিটিশিংনা ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে