ঙরাং অথেঙবা নুমিদাংগী মতমদা নাইট মিসন অমগীদমক পাইখৎখিবা ইন্দিয়ান এয়র ফোর্স কি জাগুৱার ফায়টর বোম্বর জেট অমা গুজরাটকি জামনগর এরিয়াদা কায়দুনা মৈ চাক্লকখিবা লাইবক থীবা থৌদোক অমদা ফায়টর বোম্বর জেট অদুগী পাইলোট অমা শিরে অদুগা কো-পাইলোৎ অমনা জেট অদূ পোকখায়রকপা নংদ্রিঙৈদা চোংথহৌবদগী শোক্তুনা হোস্পিটালদা লায়কন্নখ্রে।
ফায়টর বোম্বর জেট অদূ টেক্নিকেলগী ওইবা অশোয়বা খরা মায়োক্নরকখিবদগী পোকখায়রকখিবনি। ফীভম অদূ খঙবদগী কো- পাইলোৎ অদূ মীয়াম অমসুং এয়রফিল্ড দা অশোয়- অঙাম থোক্লোইদবা মফমদা চোংথনবা কন্না হোৎনদুনা লহ্মাং অমদা চোংথরক্তুনা তাশিনখি অদুবু ফায়টর বোম্বর জেট অদূগী ইঞ্জিন পানরিবা অহানবা পাইলোৎ অদুদি চোংথবা নংহৌদনা অশীবগী খয়াৎনুংদা তাহৌখিবনি হায়রি।
থম্মোয় কায়নীঙায় ওইরবা থৌদোক অসীদা লৈখিদ্রবা পাইলোৎ অমসুং অৱাবা নংহৌরবা মহাক্কি ঈমূঙ- মনূঙগী মফমদা ইন্দিয়ান এয়র ফোর্সকি মায়কৈদগী নুঙাইতবা অমসুং তৌবিমল খঙবা মতৌ ঊৎখিবগা লোয়ননা ঈকায়খুম্নবসু ঊৎখ্রে। কায়খ্রবা ফায়টর বোম্বর জেট অদূগী কোকপিট অমসুং মমৈগী শরুকশিং সুভরদা খুঙ্গংগী লৌবূক লহ্মাং অমদা চাইথোক্তুনা মৈ চাক্লগা লৈবগী ভিদিও ক্লিপশিং মফম অদূগী খুঞ্জাশিংনা সোসিয়েল মেদিয়াশিংদা থাদোক্নরকখি।
সিট্টর অনী লৈবা জাগুৱার ফায়টর বোম্বর জেট মখল অসী কুমশিং ১৯৭০ গী থেঙথরকপা মতমদগী ইন্দিয়ান এয়র ফোর্স তা ইন্দক্ট তৌদুনা শীজীন্নরকলবনি। মতমদুদগী মথঙ মথঙ অপগ্ৰেদ তৌদুনা মতমগা চান্ননা শেমদোক্তুনা লাকখ্রবনি হায়রি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে