হৌগৎলক্লিবা মহৈরোয়শিংগী পূক্নিং- ৱাখলদা লম্লক্কি শা- উচেক কন্ননবা, উমং- ৱামং য়োকখৎপগী ৱাখল্লোন চেলহন্ননবা অমসুং তুংগী মীরোল য়োকখৎনবা পান্দমদা নোংমগী ওইবা এৱের্নেস প্রোগ্রাম অমা বিষ্ণুপুর ফোরেষ্ট দিভিজন্না শীন্দুনা কিয়াম্বা নীংশিং শঙলেন বিষ্ণুপুরদা পাঙথোকখ্রে।
দিভিজনেল ফোরেষ্ট ওফিসার (দি এফ ও) ৱাইখোম রোমাবাই, কুম্বি কোল্লেজগী রিটায়র্দ প্রিন্সিপাল কুমাম জুগেশ্বর, গ্ৰিন ব্রিগেদ মনিপুরগী ফাউন্দর এলাংবম প্রেমজিৎনা প্রেসিদিয়ম মেম্বরশিং ওইনা শরুক য়াখি। থৌরমদুদা দি এফ ও রোমাবাইনা এন্টি পোচিং কেম্পেইন অমসু লমথাখি।
লোক্তাক পাত্তা শা তানবা, লান্মৈ থাবগী থৌওং কয়া চত্থদুনা লম্লক্কি শা-উচেকশিং ফাবা, হাৎপগী থবকশিং চত্থরিবা অদুগী মতাঙদা ফোরেষ্ট দিপার্টমেন্টনা ভল্লন্টিয়রশিংগা খূৎশম্নরগা শা-উচেকশিং কনখিবগী মতাংদসু পৱার পোইন্ট প্রজেন্টেসন কাপথোক্তুনা পূন্না য়েংমিন্নখি। থৌরমদুদা শরুক য়াখিবশিংনা লম্লক্কি শা-উচেকশিং অমসুং উমং-ৱামঙ য়োকখৎমিন্নগনি হায়না পূন্না ৱাশক লৌমিন্নখি।
উমং-ৱামঙ য়োকখত্তুনা থম্বা, শা-উচেকশিং কনবা হায়বসি ঈশা-ঈশাদগী, ঈমূঙ-মনূঙদগী হৌদুনা অতোপ্পা মীওইশিংদসু মতৌ তমহন্ননবা ঐখোয়না থবক পায়খৎকদবনি। লম্লক্কি শা, উচেক কন্দুনা থম্বা, উমং-ৱামং য়োকখত্তুনা থম্বা হায়বসি ঐখোয়না তুংদা হৌরক্লিবা মীরোলদা পীবা খ্বায়দগী মমল নাইদ্রবা খূদোল অমা ওইগদৌরিবনি হায়না দি এফ ও রোমাবাইনা ফোঙদোকখি।
You may also like
-
এম পি সি সিনা কুম্বিদা নোংমগী ওইবা পোলিটিকেল কনফরেন্স পাঙথোকখ্রে
-
আই দি পি নূপীমচা অমা শিরম্লে, চেন্নবনি হায়বা নূপা অমা ফাগৎখ্রে
-
ত্রোংলাউবি অৱাং লৈকায়দা কুকিনা কাপশীল্লকপদা পীক্লিবা মচীন-মনাউ অঙাং অনী শিরে
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে