চৎলিবা থা অসীগী ১৬ কি নুমিদাং পূং ৭.৩০ রোম তাবদা মার ইনপুইগী জেনরেল সেক্রেটরি ওইনা থৌ পুরিবা লালতানপুই বু শকখঙদবশিংনা তমথীনা ফূরবা মতুংদা হুন্দোক্লমখিবা থৌদোক অমগা মরী লৈননা থৌদোক অদূদা চেন্নরিবা মীওইশিং চঙজরক্ননবা মতম থাখ্রবসু চঙজরকপগী মহূত্তা তূমিন্না লৈশিনখিবদগী মার কাঙলূপ্না তোঙান তোঙানবা খোঙজঙ কয়ামরুম চত্থরকখিবা চৈরক্তা হৌজিক কুকি- ট্রাইবকি সব-ট্রাইব অমা ওইনা লৈরিবা মার অমসুং জোমি ট্রাইবকি মরক্তা য়াম্না চাউনা উংখৎনরক্তুনা খূৎ থোক্নরক্লি।
মসীগী মখা তারকপা থৌদোক অমদা হৌখিবা মার্চ ১৮ দসু অচৌবা খূৎ থোক্নবগী থৌদোক্তা মীওই অমা শিরে অদুগা কাঙলূপ অনীমক্তগী মীওই কয়ামরুম অশোক- অপন নংদুনা হোস্পিটালাইজ তৌখ্রে। খূৎ থোক্নখিবা থোদোক্তা লৈখিদ্রবা মীওই অদুদি মিষ্টর লালরোইপুই পাখোংটে (৫৩) অপোকপা লৈখিদ্রবা সোতা পাখোংটে কৌই, চুরাচান্দপুর দিষ্ট্রিক্ট কি সৈমেত গিলগাল ভেংদগীনি হায়রি।
মহাক্কি হকচাং অদূ পুলিসনা লৌখৎলবা মতূঙদা দিষ্ট্রিক্ট হোস্পিটাল চুরাচান্দপুরগী মোরচুৱারিদা থমখ্রে। জোমি ষ্টুডেন্টস ফেদরেসন্না হৌজিক চত্থরিবা মতম কক্তবা ইন্দিফিনিট ইমর্জেন্সি সটদাওনগী চৈরক্তা হৌজিক হৌজিকসু কাঙলূপ অনীগী মরক্তা অকনবা মওংদা খূৎ থোক্নরক্লি। সেক্যুরিটি ফোর্স না অকনবা চেকশীল থৌরাং কয়াসু লৌখত্তুনা ঈরাং অসী নেমথহন্ননবা হোৎনরবসু মায় পাকপা ঙমদনা লৈরি হায়রি।হৌজিক দিষ্ট্রিক্ট অসীদা ইন্টরনেট পূম্নমকসু মতম কক্ত না থিংজিন্দুনা লৈরিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে