মনিপুরদা লৈরিবা কুকি- জো ফূরূপকি মীওইশিংনা দিমান্দ তৌরিবা য়ুনিয়ন টেরিটোরি ওইনা লৈবা সেপরেট এদমিনিষ্ট্রেসন অসী কৈদৌনুংদা য়াবা ঙম্লোই, মদূগী মঙলান কৈদৌনুংদা শাগৎলুনু হায়না য়ুনিয়ন হোম মিনিষ্টর অমিট শাহানা তশেং-তশেংনা ফোঙদোকখ্রে। চৎলিবা থা অসীগী অমদা ন্যু দিল্লিদা মহাক্না চ্যের লৌদুনা পাঙথোকখিবা অৱাংবা থাক্কি সেক্যুরিট মীফমদা ৱাফম অসী অমিট শাহানা ফোঙদোরকখিবনি হায়না দি ট্রিব্যুন পাউচেদা ময়েক শেংনা ফোঙদোক্তুনা পাউদম্লকখিবনি। সেক্যুরিট মীফম অদূ মনিপুরদা প্রসিদেন্ট রুল চল্লাইখ্রবা মতূঙদা সেন্টর লৈঙাক্কি মায়কৈদগী কৌরকখিবা ইহান হানবা মীফম অমনি।
মীফম অদুদা মনিপুরগী গভর্নর অজয় কুমার ভাল্লাসু শরুক য়াখি।কুকি- জো কাঙলূপ্না তাল্লিবা সেপরেট এদমিনিষ্ট্রেসন কৈদৌনুংদা ইন্দিয়ানা য়াবা ঙম্লোই। ইন্দিয়া লৈঙাক্কা সূ এগ্ৰিমেন্ট সাইন তৌনরিবা কুকি- জো কাঙলূপকি লালহৌবশিংনা মীয়াম মরক্তা খূৎলায় পায়দুনা ফোংনা চৎলি হায়বগী পাউ লৈরি। মদূ লৈঙাক্না খক য়াবা ঙম্লোই। মখোয় খুদিংমক মশাগী দেজিগনেটেদ কেম্পশিংদা হঞ্জিলহনগদবনি হায়না হোম মিনিষ্টরনা মরী লেনবশিংদা অকনবা ইন্সট্রক্সন পীখ্রেসু হায়রি।
মনিপুরদগী ম্যান্মারদা অমদি ম্যান্মারদগী মনিপুরদা চঙথোক চঙশীন তৌরিবশিংগী আইদেন্টিটি নীঙথীনা কূপশেন শেন্নদুনা য়েংশিনগদবনি হায়নসু খঙহনখি হায়রি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে