ইন্নর মনিপুর পারলিয়ামেন্টরি কন্সটিট্যুয়েন্সিদগী লোক সভাগী এম পি ওইনা লৈরিবা কংগ্রেস পার্টিগী দা. অঙোমচা বিমোল অকোয়জম্না ঙরাং মহাক্কি লোয়নবী ওলিভিয়া থৌনাউজমগা লোয়ননা ইম্ফালগী রাজ ভবন্দা চত্তুনা মনিপুরগী গভর্নর অজয় কুমার ভাল্লাগা উনখ্রে। হৌজিক মনিপুরদা থোক্লিবা হীঙশাগী ঈরাং অসীগা মরী লৈননা ৱাফম কয়া খন্নখিবগা লোয়ননা ঈরাং অসী মতম পূম্নমক্কি ওইনা লোইশিন্নবগী অকূপ্পা ৱাফম কয়া খন্নখ্রে।
লমদমশিদা শান্তি হঞ্জিলহন্ননবা পাম্বৈশিং পুথোক্তুনা লুচিংবা অনীনা খন্ন- নৈনখি। ক্রাইসিস অসীগী মতাংদা শেল-থুমগী মথৌ তাবা কয়া লৈরক্কদবা মরম্না বদজেটতা মতীকচাবা শেনফম হাপ্নবগী মতাংদসু এম পিনা ৱাফম কয়া থম্লদুনা গভর্নরগী পূক্নীং চিংশিনখি। কন্সটিট্যুস্নেল স্কিম মতূঙ ইন্না ষ্টেট অসীগী লো এন্দ ওর্দর নীঙথীনা মেন্টেন তৌনবা হোৎনবদা অহানবা লাইন্দা থবক তৌগদৌরিবা অথোরিটি অসি ষ্টেট পুলিসননি। সেন্ট্রেল সেক্যুরিটি ফোর্স লৈরিবশিং অসিদি ষ্টেট পুলিসকি মতেঙ পাংবনি। মনিপুরগী থোক্লিবা হীঙশাগী ঈরাং অসীদা হৌজিক মনিপুর পুলিসকি থৌদাং অসি কা হেন্না মরূ ওইহন্দবগী মতৌ অমা উবা ফংলিবসি শেমদোকপা মথৌ তাই হায়না দা. বিমোলনা ফোঙদোক্লদুনা গভর্নরগী পূক্নীং চিংশিনখি।
চীঙ অমসুং তম্পাক অনীমক্তা চপ মান্ননা খূৎলায় থাদোকহনবা মথৌ তাই। চীঙগী লমদা পৈশিন্দুনা থম্নরিবা আইন্না য়াদবা মখলগী খূৎলায়শিং অয়াম্বা হৌজিক ফাওবদা সরেন্দর তৌনরকপা লৈত্রিবসিগী মতাংদা অকনবা এক্সন লৌখৎপিনবা বিমোলনা গভর্নরদা কন্না তকশীনখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে