মনিপুরগী চীঙ অমসুং তম্পাক্কি মীয়াম্না থমজিন্নরিবা ইল্লিগেল আর্ম পূম্নমক সরেন্দর তৌরক্নবা ষ্টেট অসীগী গভর্নরনা মরী লৈনবা পূম্নমক্তা তাঙ্কক অনীরক থোক্না মতম পীদুনা খুদোংচাবা অমা থমখিবদু ঙরাং মার্চ ৬ তা দেথলাইন লোইখ্রে। মসীগা লোয়ননা ঙরাং অরোয়বা নুমিত্তসু মীয়াম্না তোঙান তোঙানবা পুলিস ষ্টেসনশিংদা খূৎলায় কয়ামরুম সরেন্দর তৌনরকখ্রে অদূবু চীঙদা পায়রিবা খূৎলায়শিং অয়াম্বদি সরেন্দর তৌরকপদি লৈত্রি।
গভর্নরনা পীখিবা দেথলাইন লোইখ্রবা মতূঙদা সেক্যুরিটি ফোর্স না মনিপুরগী চীঙ অমসুং তম্পাক্কি মফম কয়াদা পাক-সন্না সর্স ওপরেসনশিং চত্থরকখিবদা তোঙান তোঙানবা মফমশিংদা লোৎশিন্দুনা থম্লম্বা খূৎশু- খূৎলায় কয়ামরুম রিকোভর তৌবা ঙমখ্রে। মনিপুরগী মফম কয়াদা ইন্দিয়ান আর্মীশিং হৌজিক য়াম্না এক্টিব ওইরকপগা লোয়ননা মফম কয়াদা ফ্লেগ মার্চ চৎখিবগা লোয়ননা চীঙগী শরূকশিংদা সর্স ওপরেসনশিং চত্থরকখিবদা তোঙান তোঙানবা মফমশিংদা কুকি- মিলিটেন্টশিংনা শারম্বা বঙ্কর কয়া থুগাইদুনা মাঙহনখি অদুগা খূৎশু- খূৎলায় কয়াসু ফাগৎপা হৌখ্রে হায়রি।
বিষ্ণুপুর দিষ্ট্রিক্ট কি মোইরাং চেঙ্গৈ লম্পাক অমসুং নম্বোল মায়কৈরোমদা সেন্ট্রেল ফোর্সকি মশীং য়াম্লবা গারিশিং খামদুনা লৈবা মীয়াম্না উবা ফংনখিবদা মিপাইবা পোক্নখি। ফীভম অসী য়েংলগা মনিপুরগী তম্পাক্তা পাক- সন্না কোম্বিং ওপরেসন চত্থরকপা য়াই হায়নরি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে