য়ুনিয়ন ফাইনান্স মিনিষ্টর নির্মালা সিতারমন অমসুং রিজার্ব বেঙ্ক ওফ ইন্দিয়াগী গভর্নর শক্তি কান্ত দাসনা ইনকম জেনরেটিং প্লেটফোর্ম শৌগৎলি হায়না ফোঙদোকপগী শেমজিনবা ভিদিও ফুট্টেজ অমা সোসিয়েল মেদিয়া প্লেটফোর্মশিংদা ভাইরেল ওইরকখ্রে। ইন্দিয়া শীনবা থুংনা শন্দোরকখিবা ভিদিও ফুট্টেজ অদুদা পল্লিবা মরুওইবা ৱাফমদি ইম্মিদিয়েট কন্নেক্ট প্রোজেক্ট হায়না মমীং থোল্লিবা প্লেটফোর্ম অমদা ইন্দিয়াগী সিটিজন খূদীঙমক্না লূপা লীশিং ২১ ইনভেষ্ট তৌরগা থা অমদা লূপা লাখ ১৫ ফংগনি হায়বসিনি। ভিডিও অদূ কদায়ফাওবা চুম্লবগে হায়বদু কনামত্তনা ভেরিফাই তৌদবীদা ইন্দিয়াগী মফমশিং শীন্থুংনা ভাইরেল ওইরকখিবনি।
ভিডিও ফূট্টেজ অদূ আর্টিফিসিয়েল ইন্টলিজেন্স দ্রাইবনা ফেসিয়েল অল্টরেসন অমসুং ভোইস ক্লোন্নিং তৌরগা মিনিষ্টর নির্মালা সিতারমন অমসুং আর বি আইগী গভর্নর, মখোয় অনীগী চপ মান্নরবা মায়থোঙ অমসুং খোঞ্জেলদা থাদোরকখিবনি। ভিডিও ফূট্টেজ অদুদা ইনকম জেনরেটিং প্রোজেক্ট অদু লৈঙাক্না শকখঙলবা, অচূম্বা, অশেংবা অমনি হায়না য়াম্না ময়েক শেংনা ফোঙদোকপা মীয়াম্না তাবা অমসুং উবা ফংনখি।
ফুট্টেজ অদূ য়ূম্ফম য়াওদবনি, অসীগুম্বা ৱাফম অমত্তা ফাইনান্স মিনিষ্টর অমসুং আর বি আইগী গভর্নরনা ফোঙদোকপা লৈখিদে হায়রি। মীয়াম্না অসিগুম্বা অরানবা এদভর্টিজমেন্টশিংদা থাজবিগনু, নমথাক তৌবা মীওই নত্রগা এজেন্সি কয়া অসীগী ভিক্তিম ওইবিগনু হায়না লৈঙাক্কি মায়কৈদগী চেকশীল ৱাফম থম্লক্লি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে