য়ুনাইটেদ কম্মিটি মনিপুরগী হান্নগী প্রসিদেন্ট ওইরম্বা এলাংবম জোন্সন্না শাবা নম্বুল মপাল রিভর সাইদ ওপন জিম ঙরাং শঙ্গাদুনা লমদম অদূগী মীয়ামদা খূৎশীন্নখ্রে। কৈশামথোং এলাংবম লৈকায়দা লৈবা নম্বুল মপাল রিভর সাইদ ওপন জিম শঙ্গাখিবা থৌরম অদুদা জোন্সন্না হায়, হৌজিক্কি মতমদা মহৌশাগুম অহাঙবা লম্পাক, শঞ্জাবূঙনচিংবা লৈশিল্লক্তবদগী অঙাংশিং য়াওনা লমদম অসীগী নহারোলশিংনা চেন-চোংদুনা শান্নজবা য়াবা মফম অয়াম্বা লৈশিল্লক্ট্রে।
য়ূম-কৈ, ফূরা-দলানশিং শাজিন্নরকখিবদগী ঈরম-নালা কয়া ফুঞ্জিনখিবদগী মখল কয়াগী লায়না তীন্নাগী খুদোংচাদবশিং ঐখোয়না মায়োক্নরক্লি। অকোয়বগী ঈশীং-নুংশিৎ মোৎশীল্লকপা, উপাল-ৱাপাল কয়ামরুম য়ান্থত্তুনা মরূ কোকথোকখিবা মরম কয়া অসীনা ঙসীদি মীওইবা ঐখোয়না হিংবদা খুদোংচাদ্রবা মালেম অমা ঐখোয় ঈশানা শেম্লকপগুম তৌরি। মীওইবনা লৈবা য়াবা অমত্তা ঙায়রবা প্রিথীবি অসী ঐখোয়গী থবক-থৌশিলশিংনা মূত্থৎখিনবগী মরম ওইরি। মসীদি ঐখোয়না ঈশানা ঈশাগী খোঙদা শীঙজংনা য়ান্সিঞ্জবনি হায়বদা লাল্ল রোই।
অহাঙবা লম মরাঙ কায়না লৈশীল্লক্ট্রবা মতমসিদা লৈকায়গী নহা অমদি অহলশিংগী হকচাঙ শাজেল ঙাইহাক তৌজবদা খুদোংচাবা পীবা ঙম্ননবা পান্দমদা ওপন জিম অদু শেমগৎপনি হায়খি। লৈকায়গী মীয়াম্নসু জিম অসী ঈশা-ঈশাগী লন্নি হায়বা খনবিদুনা চেকশীন্না শীজিন্নবিয়ু, মতম মতমগী ওইনা ইক্বিপমেন্ট কয়াসু হাপকৎনবা থৌরাং তৌরি হায়না মহাক্না মখাতানা মীয়ামদা ফোঙদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে