মনিপুরগী গভর্নর অজয় কুমার ভাল্লানা হৌখিবা ফেব্রুয়ারি ২০দা অকনবা চেরোল অমা থোক্তুনা, হৌজিক আইন্না য়াদবা মওংদা মনিপুরগী চীঙ অমসুং তম্পাক্তা লৈরিবা মীয়ামগী খূত্তা লৈরিবা খূৎশু-খূৎলায়শিং অদু নুমিৎ ৭ নিগী মনূঙদা সরেন্দর তৌরক্কদবনি, মদূ নত্রবদি পাক-সন্না ওপরেসন চত্থরগা নমদূনা খোমগৎলগনি অদুগা খূৎলায় থমজিল্লম্বা মীওইশিংগী মথক্তা আইনগী মতূঙ ইন্না লৌখৎফম থোকপা অকনবা এক্সন লৌখৎলগনি হায়না মীয়ামদা খঙহল্লকখিবা মতূঙদা নোংমা কাংদনা পুলিস অথোরিটিশিংদা মীয়াম্না ইল্লিগেল আর্ম শিং সরেন্দর মথঙ মথঙ তৌনরকখ্রে।
গভর্নরনা পীখিবা নুমিৎ তরেৎনিগী দেথলাইন অদূ মখা তানা মতম শাংদোকপগী ৱাফম অমত্তা লৈরোই হায়নসু ফোঙদোরকপা লৈখ্রবনি। মদূগী মতূঙ তারকপদা চুরাচান্দপুর, ককচিং, বিষ্ণুপুর, চান্দেল, কাংপোকপি, ইম্ফাল নোংচূপ পানা অমসুং ইম্ফাল ইষ্ট দিষ্ট্রিক্ট শিংদা লৈরিবা পুলিস অফিসার কয়াগী মফমদা মীয়াম্না ইল্লিগেল ওইনা পৈশিন্দুনা থম্লম্বা নোংমৈশিং, বোমগী মচাকশিং, নোংমৈ মরূনচিংবা লীশিং কয়ামরুম সরেন্দর তৌনরকখিবনি।
অরম্বাই তেঙ্গোলগী লুচিংবা কোরৌঙানবা খূমননা লুচিংবা টিম অমনসু হৌখিবা ফেব্রুয়ারি ২৫ দা ইম্ফালগী রাজ ভবন্দা গভর্নরগা উনদুনা ৱারী-ৱাতায় পূং অমরোম চূপ্না শানরবা মতূঙদা পোইন্ট খরদা য়ানবা পুরকখিবগা লোয়ননা ফেব্রুয়ারি ২৭ তা ইল্লিগেল আর্ম মশীং ২৪৬ পুখৎলক্লগা গভর্নরদা সরেন্দর তৌখিবনি। গভর্নর না থাখিবা মতমসু ফেব্রুয়ারি ২৭ তা লোইখ্রবনি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে