মনিপুরদা তঙদূ- লৈতাবা ফীভম, মহৌশাগী ঈং-তপ্পা শক্তম হঞ্জিল্লক্নবা লৈঙাক্না হোৎনরিবা অসীদা সধারন মীয়াম্না মপূঙফানা কো-ওপরেসন পীবীয়ু লোয়ননা তোঙান তোঙানবা আর্মরিশিংদগী খোমগত্তুনা মীয়াম্না পায়নরিবা নোংমৈশিং গভর্নরনা থাখিবা দেদলাইনগী মনূঙদা লৈঙাক্কি মরী লৈনবা অথোরিটিদা খূৎশীন্নরক্কদবনি। মদূ নত্রবদি নমদুনা লৌখৎলগনি হায়না মনিপুরগী চিফ সেক্রেটরি পি কে সিংহনা অকনবা মওংদা মরী লৈনবশিংদা ৱার্নিং তৌরক্লি।
পৱার গ্ৰিদ কোরপোরেসন ওফ ইন্দিয়া লিমীতেদকি সি এস আর ইনিসিয়েটিব অমসুং মিনিষ্ট্রি ওফ টেক্সটাইলগী নেস্নেল হেন্দ লুম দেভলপমেন্ট প্রোগ্রাম মখাদা রিলিফ কেম্পশিংদা লৈরিবা ক্লাস টেন মথক্কি মহৈরোয় ইনমেট ৩০০ দা সাইকল য়েন্থোকখিবা অমসুং ইম্ফাল ইষ্ট দিষ্ট্রিক্টকি ফিশাবি ইনমেট ২৯৬ তা ফিশাকোল য়েন্থোকখিবা থৌরমদা চিফ সেক্রেটরি পি কে সিংহনা ৱাফম অসি ফোঙদোকখিবনি।
ইম্ফাল ইষ্টকি দিপ্যুটি কম্মিস্নারনা শীন্দুনা পোরোম্পাত্তা লৈরিবা পঞ্চায়েৎ ভবন্দা পাঙথোকখিবা থৌরমদা চিফ সেক্রেটরিনা অকনবা ৱার্নিং অসি তৌরকখিবনি। চিফ সেক্রেটরি পি কে সিংহ, ইম্ফাল ইষ্ট দিষ্ট্রিক্টকি দেপ্যুটি কম্মিস্নার খূমন্থেম দাইনা, কম্মিস্নার এন আশোক কুমারনা অথোয়বা মীথূঙলেনশিং ওইনা থৌরমদুদা শরুক য়াখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে