হান্নগী চিফ মিনিষ্টর নোংথোম্বম বিরেন্না মশাগী অপাম্বা-অনীঙবগী মতূঙ ইন্না চিফ মিনিষ্টরগী ফমদগী রিজাইন তৌখ্রবা মরম্না অমুক হন্না চিফ মিনিষ্টর ওইনা হল্লকখিগনি হায়বগী থাজবা লৈতে। মরম অদুনা সেন্টরগী লুচিংবশিং অমসুং বি জে পি ষ্টেট য়ুনিটকি লুচিংবশিং পূন্না খন্ন-নৈনরগা অথুবা মতমদা মীয়ামগী লৈঙাক অমা শেম্ননবা য়াম্না কন্না হোৎনরি হায়না ৱাঙ্খৈ কেন্দ্রগী এম এল এ থাংজম অরুনকুমারনা ফোঙদোকখ্রে।
কেন্দ্র অসিগী মনূঙচন্না লৈরিবা খূরায় অহোঙ্গৈ লৈকায়দা লৈরিবা মীটৈ লাইনিং লূপকি মীটৈ শঙলেন খুভম শঙ্গাবগী থৌরমদা অথোইবা মীথূঙলেন ওইনা শরুক য়াখিবা অমদা ৱা ঙাঙবদা এম এল এ অরুন্না ৱাফম অসি ফোঙদোকখিবনি। মনিপুরদা তঙদূ- লৈতাবা ফীভম অমগা লোয়ননা মীয়ামগী লৈঙাক অমা শেম্বা য়াননবা সেন্টরনা অকনবা থবক লৌখৎলক্লি। মনিপুরদা তঙদূ- লৈতাবা মহৌশাগী শক্তম হঞ্জিল্লক্নবগী পান্দমদা হৌজিক প্রসিদেন্ট রূল থম্লকপা ওইগনি। বি জে পিগী অনৌবা লুচিংবা অমা খন্দুনা চিফ মিনিষ্টরগী ফমথোল থিন্দোক্লগনি হায়বা ৱাফম এম এল এ না ফোঙদোকখি।
হৌখিবা কুমশিং ২০২৩ গী মে অহুমদগী কুকি- টেরোরিষ্ট শিংনা চত্থরক্লিবা হীঙশাগী ঈরাং অসী লোইশিন্দুনা রিলিফ কেম্প শিংদা লৈরিবশিং অথূবদা মশা মশাগী হান্নগী লৈফমশিংদা হঞ্জিলহন্ননবা হোৎনরি হায়না মহাক্না মখা তানা ফোঙদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে