অকক্নবা পাউ অমা ফংবদগী ৩৮ শুবা আসাম রাইফলস অমসুং মনিপুর পুলিসকি কম্বাইন্ড সেক্যুরিটি ফোর্স টিম অমনা চত্থখিবা সর্স ওপরেসন অমদা লালহৌলূপ অমগী ফাইনান্স সেক্রেটরি ওইবনি হায়বা কাদর অমা ফাগৎপা ঙমখ্রে। মঙোন্দ গী নোংমৈ অহুমগা কোন্ননা নোংমৈ মরূ কয়ামরুমসু ফাগৎপা ঙমখ্রে।
লৈঙাক্কা সস্পেন্সন ওফ ওপরেসন (সূ) সাইন তৌনদবা কুকি- লালহৌলূপ অমা ওইনা হন্দক্তা নৌনা চোংথোক্লকপা য়ুনাইটেদ নেস্নেল কুকি আর্মী ( য়ু এন কে এ) হায়রিবা লালহৌলূপ অসিগী ফাইনান্স সেক্রেটরি ওইনা লৈবা মীশক্নি হায়রি। ৩৮শুবা এ আর অমসুং চুরাচান্দপুর পুলিসকি টিম্না ওপরেসন চত্থবদা ফাগৎপা ঙমখ্রবা লালহৌলূপকি কাদর অদূগী মমিং সৈমিনলেন দোঙেল(৩৫) অপোকপা হোলথাঙ দোঙেল কৌই, চুরাচান্দপুর দিষ্ট্রিক্ট কি তুইবোংদগীনি হায়রি।
থা অসীগী ১৬ কি নুমিদাং পূঙ ১১.৪৫ লোম তারকপদা অকক্নবা পাউ অমা ফংবদগী কম্বাইন্ড সেক্যুরিটি ফোর্স টিম অসিনা চঙশীন্দুনা সর্স ওপরেসন চত্থবদা মহাক ফাগৎপা ঙমখিবনি হায়রি। মঙোন্দগী মেগজিনগা লোয়ননা এ কে রাইফল অমা, ০.৩১৫ রাইফল অমা, কন্ট্রিমেদ সিঙ্গল বেরেল রাইফল অমা, ৭.৬৩ এম এমগী নোংমৈ মরূ ২৩ ফাগৎপা ঙমখি।কপ্রাং এরিয়াদা চত্থখিবা সর্স ওপরেসনদা ফাগৎখ্রবা লালহৌবা মীওই অদুগী মথক্তা মখা তাবা ইনভেষ্টিগেসন চত্থনবগীদমক চুরাচান্দপুর পুলিস ষ্টেসন্দা খূৎলায়শিং অদূগা কোন্ননা শিন্নখ্রেসু হায়রি।