থোংজু কেন্দ্রগী হান্নগী এম এল এ বিজয় কোয়জমগী য়ূমদা শকখঙদবশিংনা ঙরাং অয়ূক হেন্দ গ্ৰেনেদ অনী লংশিল্লম্লে। পোকখায়হৌদ্রবা বোম অনীদু শীঙজমৈ পুলিস অমসুং মনিপুর পুলিসকি বোম দিস্পোজেল স্কৱাদ টিমশিংনা অশোয়- অঙাম য়াওহন্দনা দিস্পোজ তৌখ্রে।
ঙরাং অয়ূক অঙনবা মতমদা এক্স- এম এল এ বিজয় কোয়জমগী য়ূমগী মীওইশিংনা হেন্দ গ্ৰেনেদ অনী অদূ য়ূমগী গেট মনূঙদা লৈবা দ্রেনগী শরুক্তা তাদুনা লৈবা থেংনরকখিবনি হায়রি। মমাঙদসু থা খরগী মতমদা শকখঙদবশিংনা ৱার্নিং অমত্তা তৌরকপা লৈতনা কয়ারক হন্না মহাক্কি য়ূমদা বোম থমজিন্দুনা কিহল্লকপা লৈখি। মহাক্তি কনাগুম্বা খূৎলায় পায়বা লূপ অমত্তগী মায়োক্তা ৱা ঙাঙখিবসূ লৈতে হায়বা ৱাফমশিং বিজয় কোয়জম্না থৌদোক্তুগা মরী লৈননা পাউমীশিংদা ফোঙদোরকখী।
অদূঙৈ কুমশিং ১৯৯৫ গী মতমদসু খূৎলায় পায়বা লূপ অমনা মঙোন্দা এত্তেক তৌরকখিবদগী মশাদা অশোক- অপন য়াওবসু লৈখ্রবনি হায়বা ৱাফমশিং বিজয়না ফোঙদোকখি। মহাক্কি য়ূম অদূ থোংজু পার্ট- ৱান সাইরোম লৈরক্তা লৈবনি। রাজনিটিগা মরী লৈনবরা হায়বসু খঙবা ঙমদ্রি হায়না মহাক্না ফোঙদোকখি। বোম লৈরে হায়বগী পাউ অদূ শীঙজমৈ পুলিসতা পীরবা মতূঙদা পুলিসকি টিম লাক্তুনা য়েংশিল্লবা মতূং অশোয়- অঙাম য়াওদনা দিস্পোজ তৌখ্রে হায়রি।