চহী অসীগী হৌখিবা জানুয়ারি ৩০ দা কাংপোকপি দিষ্ট্রিক্ট কি সাইকুল পুলিস ষ্টেসন মনূংচন্না লৈরিবা লুজাং ভিল্লেজগী চীংশাঙ পরেংদা পাক-সন্না থারম্বা পোপ্পি পাম্বীশিং য়ান্থৎতুনা মাঙহন্ননবা চঙশীনখিবা কম্বাইন্ড সেক্যুরিটি ফোর্স কি গারিশিং থুগাইদুনা অমাঙ- অতা থোকহনখিবা অমসুং পোপ্পি পাম্বীশিং য়ান্থৎপা য়ারোই হায়দুনা খুল অদুগী মীয়াম্না অথিংবা পীরকখিবা থৌদোক অদূদা মরূওইবা এক্যুজ অমনি হায়রিবা সি এস অজাং খোংশাইগী মথক্তা মনিপুর লৈঙাক্না এফ আই আর রেজিষ্টর তৌদুনা কেস অমা লৌখৎখ্রে।
কাংপোকপীগী সুপরিন্টেন্দেন্ট ওফ পুলিস ( এস পি) গী ওভরওল সুপরভিজন মখাদা পোপ্পি দেষ্ট্রক্সন দ্রাইব অদূ কাংপোকপি দিষ্ট্রিক্ট পুলিস অমসুং সি আর পি এফকি অপূনবা খূৎপূ অমসুং দিষ্ট্রিক্ট অসিগী এগজিক্যুটিব মেজিষ্ট্রেট য়াওনা চত্থখিবনি। লুজাং ভিল্লেজগী মশীঙ য়াম্লবা খূৎশু-খূৎলায় পায়বা কুকি- ফূরূপকি নূপা- নূপীশিংনা থোক্লক্তুনা সেক্যুরিটি ফোর্স কি গারি অহুম থুগাইদুনা অমাঙ- অতাশিং থোকহনখিবনি।
মেইন এক্যুজনি হায়রিবা লুজাং ভিল্লেজদা লৈবা সি এস অজাং খোংশাই হায়রিবা মীওই অসি কুকি ইনপি মনিপুরগী প্রসিদেন্ট ওইবতা নত্তনা কুকি-জো কাউন্সিল মনিপুরগীসু কনভিনর ওইনা থৌ পুরিবনি। নুমীৎ অদুদা মীয়ামদুনা সেক্যুরিটি ফোর্স শিংদা হীঙশা চত্থরকখ্রবসু অহেনবা রি- এনফোর্স মেন্ট ফোর্স থাজিন্দুনা পোপ্পিশিং অদূদি মপূঙফানা মাঙহনবা ঙমখি হায়রি।
You may also like
-
মীচম কয়ামরুম শোক্লে,এম পি এগী কাদরশিং পুথোকখ্রে
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি