শেন্মিৎলোন করম্না চাওখৎহনগনি, খুন্নাইলোন খঙগদবনি, ঈগী পল ঙাক্কদবনি, হৌগৎলক্লিবা নহারোলশিং মতৌ করম্না নিসাগী ঈপাক্তগী কনগনি হায়বা পান্দমগা লোয়ননা চত্থরকখিবা ঐখোয়গী খুন্নাইলোন খঙমিন্নসি হায়বা থৌরম থা অসীগী ১৫ দা মপূঙফানা লোইশিনখ্রে। কংলৈ লৈশা ফালনা শীন্দুনা জৱাহরলাল নেহরু মনিপুর দান্স একাদেমিদা চত্থরকখিবা থৌরম অদূ লোইশিনবগী প্রোগ্রাম দা অথোয়বা মীথূঙলেন ওইনা শরুক য়াখিবা ষ্টেট লৈঙাক অসীগী য়ূথ এফিয়র্স এন্দ স্পোর্টস কি মিনিষ্টর গোবিন্দাস কোন্থৌজম্না হায়, অফবা, অচুম্বা খুন্নাই অমা শেমগৎনবা হোৎনবদা খুন্নাই অদুদা লৈরিবা নিঙোলশিংনা খ্বায়দগী মরূওইবা থৌদাং লৌদুনা লাকই হায়বসি পুৱারিনা খূদম-চাংদম ওইদুনা লৈখ্রবনি।
নিঙোলশিংদা শক্তি পীদুনা মখোয়গী পাঙ্গল-থৌনা লৈহল্লবা মতমদুদা অফবা, চাওখৎপা লমদম অমা হায়বদু পুরকপা ঙমগদবনি অদুগা অফবা তুংগী য়ূম্বীরেলশিং শেমগৎপসু ঙমগদৌরিবনি। ঐখোয়না ঈশাগী লোন, ময়েকশিং কূপ্না নৈনরুবা মতমদুদা ঈপা-ঈপূশিংনা ঐখোয়গীদমক লেঙদনা থম্বিরম্লিবা হেরিটেজ, ট্রেদিসনগী কাঙলোনশিং ময়েক শেংনা মশক খঙবা ঙম্লক্কনি হায়খি।
মিনিষ্টরনা মখাতানা হায়, ঐখোয়গী কলচর, হেরিটেজ, ট্রেদিসন মাঙশীল্লক্লবদি ঐখোয় ঈশাগী আইদেন্টিটিসু মাঙথরক্কনি, শকতাকচবা ঙম্লক্লোই, খুন্নাই অসীগী শক্তম মাঙথরক্কনি হায়খি। থৌরম অদুদা কংলৈ লৈশা ফালগী প্রসিদেন্ট খূন্দ্রাকপম সনাতোম্বি মঙাঙনা থৌরম মপূ ওইনা শরুক য়াখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে