তোয়োতা তেক্নিকেল এজুকেসন প্রোগ্রাম পায়খৎকদৌরি

লৈবাক অসিগী ‘স্কিল ইন্দিয়া’ অমসুং ‘মেক ইন ইন্দিয়া’ মিসনশিংদা মখা তানা অচেৎপা থাজবা থমদুনা, তোয়োতা কির্লোস্কর মোতোর (তি.কে.এম.) না ঙসি মিজোরমগী আইজৱালদা লৈবা গবর্নমেন্ত ইন্দস্ত্রীএল ত্রেনিং ইন্সতিত্যুৎ (আই.তি.আই.) দা তি-তি.ই.পি.গী মখাদা মাগী ৬৭শুবা তোয়োতা তেক্নিকেল এজুকেসন প্রোগ্রাম (তি-তি.ই.পি.) হৌদোক্লে হায়না লাউথোকখ্রে।তি.কে.এম.গী স্কিল দিবেলপমেন্ত পুক্নিং থৌগৎনবা অমসুং লমদম অসিদা থবক ফংহন্নবগী খুদোংচাবশিং হেনগৎহন্নবগী অচেৎপা ফিরেপ অদু অমুক হন্না ফোংদোক্লি। ইনিসিএতিব অসি তি.কে.এম., মিজোরম সরকার অমসুং দিলরশিপ পার্তনর জোতেতোয়োতাগী মরক্তা চুংশিন্নবা অমনি, মসিনা নহারোলশিংগী থবক ফংহনবদা মতেং পাংনবা অমসুং স্কিল দিবেলপমেন্তদা মতেং পাংনবা মখোয়গী অপুনবা থৌদাং অদু উৎলি। হৌদোকপগী থৌরম অদুদা মিজোরাম সরকারগী লেবর, এমপ্লোইমেন্ত, স্কিল দিবেলপমেন্ত অমসুং ওন্তপ্রিন্যুওরশিপ দিপার্তমেন্তকী রাজ্য মন্ত্রী, শ্রী লালহিংলোভা মারনা অথোইবা মীথুংলেন ওইনা শরুক য়াখি। ইনিসিএতিবশিং অসিগী মরুওইবা পান্দমদি মহৈরোইশিংগী, মরুওইনা খুঙ্গংগী লমদগী লাকপা মহৈরোইশিংগী স্কিলশিং হেনগৎহনবা অমসুং কম্পনীগী অখন্নবা প্রোগ্রামগী খুত্থাংদা মখোয়গী থবক ফংহনবগী চাং হেনগৎহনবনি। তি-তি.ই.পি. ফেসিলিতী অসিনা জেনরেল তেক্নিসিয়ন কেতেগোরীদা মীৎয়েং থম্লি। মসিনা মেকানিক মোতোর ভেহিকল (এম.এম.ভি.) অমসুং দিজল মেকানিক ত্রেদকী কোর্সশিং তম্লিবা নহা ওইরিবা তেলেন্তশিংদা থবক ফংহনগদবা স্কিল অমসুং লৌশিং পীরি। মরুওইবা পার্তনর অমা ওইনা, জোতে তোয়োতানা তি-তি.ই.পি.লিংখৎপদা চপ মান্নবা মপু ওইরি অমসুং স্তার স্কোলারশিপ প্রোগ্রামদা মতেং পাংলি। মসিনা তি-তি.ই.পি.গী থবকশিং লেপ্তনা চৎথনবা অমসুং তঙাই ফদবা মহৈরোইশিং মতেং পাংনবা মখোয়গী ফিরেপ অদু মপাঙ্গল কনখৎহল্লি।

তি-তি.ই.পি.অসি আই.তি.আই. অমসুং দিপ্লোমাগী অরোইবা চহিগী মহৈরোয়শিংগীদমক শেমখিবা কমপ্রিহেন্সিব ওইবা চহিগী ওইবা ইনিসিএতিব অমনি। মসিদা ওন-দি-জোব ত্রেনিং (ও.জে.তি.) অসি ভারতকী ওতোমোতিব ইন্দস্ত্রীগী চাউখৎলক্লিবা মথৌ তাবশিংগীদমক্তা তেক্নিকেল স্কিলশিংগা লোয়ননা মহৈরোইশিংবু মপুং ফাহন্নবদা মীৎয়েং থম্লিবা করিক্যুলমগা পুনশিন্নরি। প্রোগ্রাম অসিদা লিদ ত্রেনরশিংগীদমক্তা অখন্নবা ত্রেনিং পীবা, থবক ফংহনবদা মতেং পাংনবা তোয়োতা দিএলরশিপশিংদা প্রাক্তিকেল এক্সপরিয়েন্স পীবা অমসুং এদভান্স ওতোমোতিব তেক্নোলোজীশিংগা চুনবা করিক্যুলম অমা য়াওরি। তি-তি.ই.পি.গী মথক্তা, তোয়োতা কির্লোস্কর মোতোর (তি.কে.এম) না তেক্নিকেল এজুকেসন তম্নবা শেল-থুমগী ফীভম খুদোংচাদবা মহৈরোয়শিংদা মতেং পাংনবা স্তার স্কোলারশিপ প্রোগ্রাম হৌদোকখ্রে। ঙসি ফাওবদা, তি-তি.ই.পি.গী খুত্থাংদা মহৈরোয় ১৩,০০০ হেনবনা ত্রেনিং ফংখ্রে, মসিগী মনুংদা ৭০% হেনবনা ওতোমোতিব সেক্তর অমসুং লৈবাক শীনবা থুংনা মসিগী দিএলরশিপশিংদা থবক ফংলি।

তি.কে.এম.না লোকেল মেনুফেকচরিং ইকোসিস্তেমদা মতেং পাংনবা অমসুং স্কিল দিবেলপমেন্তগী খুত্থাংদা কম্ম্যুনিতীশিংদা শক্তি পীনবা লমজিংলি। তোয়োতা তেক্নিকেল ত্রেনিং ইন্সতিত্যুৎ (তি.তি.তি.আই.) অমসুং তোয়োতা তেক্নিকেল এজুকেসন প্রোগ্রাম (তি.তি.ই.পি.) গুম্বা ফ্লেগশিপ ইনিসিএতিবশিংগা লোয়ননা, তি.কে.এম.না চহি তরাগী খুজিং কয়াদগী শেল-থুমদা খুদোংচাদবা মহৈরোইশিংদা মালেমগী থাক্কী স্কিলিং ফংহন্নবা হোৎনদুনা লাক্লি। হায়রিবা প্রোগ্রামশিং অসিনা ইন্দস্ত্রীগী হেনগৎলক্লিবা দিমান্দশিং মপুং ফাহন্নবগীদমক্তা স্কিল লৈরবা ৱার্কফোর্স অমা শেমগৎপদা মতেং পাংলি। মিজোরাম সরকারগী লেবর, এমপ্লোইমেন্ত, স্কিল দিবেলপমেন্ত অমসুং ওন্তপ্রিন্যুওরশিপ দিপার্তমেন্তকী রাজ্য মন্ত্রী, শ্রী লালহিংলোভা মারনা হায়খি, “তি.কে.এম.না মিজোরাম অমসুং মপান্দা লৈরিবা নহারোলশিংগী স্কিল অমসুং এমপ্লোইমেন্ত তৌবা ঙম্বগী চাং হেনগৎহন্নবা লেপ্পা লৈতনা হোৎনরিবা অসি উবদা য়াম্না পুক্নিং থৌগৎনিংঙাই ওই। ইনিসিএতিব অসিনা ঐখোয়গী মহৈরোয়শিংদা মমল য়াম্লবা রিসোর্সশিং অমসুং ত্রেনিং পীরি, মসিনা ওতোমোতিব ইন্দস্ত্রীদা প্রোফেস্নেল গ্রোথ অমসুং মাই পাকপগী থোঙ হাংহল্লি। অসিগুম্বা তেংবাং পীনবা অসিনা মহৈরোয়শিংদা তেক্নিকেল এক্সপর্তিজতা মতেং পাংবতা নত্তনা ঐখোয়গী রাজ্যগী স্কিল দিবেলপমেন্ত অমসুং ইকোনোমিক এম্পাৱরমেন্তকী ভিজনবু শৌগৎপদা মরু ওইবা থৌদাং অমা লৌরি। ঐখোয়গী নহাশিংনা মসিগী ইম্পেক্ত তৌবা প্রোগ্রাম অসিগী খুত্থাংদা মাই পাকপা কেরিয়র অমা শেমগৎলকপদা ঐখোয়না অপেনবা পোক্লি”।