লমদম অসীদগী দ্রগ অমসুং অতৈ নিসাগী পোৎলমশিং মরু ফংনা মাঙহন্ননবা ষ্টেট লৈঙাক অসীনা ৱার ওন দ্রগ ২.০ চত্থরকপগা লোয়ননা চীঙ অমসুং তম্পাক কি মফম কয়াদা পাক সন্না ওপরেসন চত্থদুনা নিসাগী পোৎলমশিং ফাগৎপা অমদি মাঙহনবগী থবকশিং চত্থদুনা লাক্লি। চীঙগী মফমশিংদা লম হেক্তর লীশীং কয়াদা পাক-সন্না থারম্বা পোপ্পি পাম্বীশিং য়ান্থত্তুনা মাঙহনবগী থবকশিংসু ষ্টেট লৈঙাক অসীনা চত্থরক্লি।
মসিগী শরুক অমা ওইনা চৎলিবা থা অসীগী মঙাদসু সেনাপটি দিষ্ট্রিক্ট মনূং চন্না লৈরিবা মকুইলোংদি অমসুং থোংলাংতোংবা হীল রেঞ্জ দা লম একর ৮.৭৬ তা পাক সন্না থারম্বা পোপ্পি পাম্বীশিং য়ান্থত্তুনা মাঙহনখ্রে। পোপ্পি থারম্বা থৌওং অদূগা মরী লৈননা পুলিসনা কেস অমসু লৌখত্তুনা রেজিষ্টর তৌদুনা থিজিনবা হৌখ্রে। সেনাপটি দিষ্ট্রিক্ট পুলিস, ফোরেষ্ট দিপার্টমেন্ট অমসুং দিষ্ট্রিক্ট এদমিনিষ্ট্রেসনগী অপূনবা টীম্না পোপ্পি পাম্বীশিং অদূ য়ান্থত্তুনা মাঙহনখিবনি।
লৈ শাৎপা পোপ্পি পাম্বীশিং অদূ মপূঙফানা মাঙহনবা ঙমখি হায়রি। সেনাপটি দিষ্ট্রিক্ট পুলিসনা কেস অমা লৌখত্তুনা পোপ্পি পাম্বীশিং অদূ কনানা থাবনো হায়বদু খঙদোক্লগা আইনগী মতূং ইন্না অকনবা এক্সন লৌখৎনবা থৌরাং তৌখ্রে। দিষ্ট্রিক্ট অসীদা মখাতানা পোপ্পি পাম্বীশিং মাঙহনবগী থবকশিং চত্থখিগনি হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা