ঙরাং নুমীৎয়ুংবা মতূং পূং ১২.৩০ রোম তারকপদা জিরিবাম দিষ্ট্রিক্টকি বোরোবেক্রা পুলিস ষ্টেসন মনাক্তা লৈবা জুকুরাধোর লম্লোং বজারদা দ্যুটি তৌদুনা লৈবা সি আর পি এফ পার্সনেলশিংদা কুকি মিলিটেন্টশিংনা খঙহৌদনা মায়কৈ অহুমদগী নোংমৈ কাপশীল্লক্তুনা লান্দাশিল্লকপদা সি আর পি এফকি জৱান অমা লায়কন্নবা ঙমদনা লৈখিদ্রে। কুকি মিলিটেন্ট শিং অদুনা অফবা মখলগী খূৎলায়শিং শীজিন্নদুনা এত্তেক চত্থরকখিবা অদূখক্তা নত্তনা সেক্যুরিটিগী মীওইশিং অদুদগী খূৎলায়শিং মুন্দুনা পুখিনবসু হোৎনরকখি হায়রি।
মিলিটেন্টশিং অদূনা অত্তৎ- অখম লৈতনা নোংমৈ কাপশিল্লকখিবা অদুদা জিরিবাম পুলিস ষ্টেসন্দা নোংমৈ মরূ কয়ামরুম তাশিল্লকপদগী মফমদুদা রিলিফ কেম্প হাংদুনা চঙজফম লৌদুনা লৈরিবা মীওই খরসু পাখত্তুনা চেন্নখিবদগী থিবা ফংদনা লৈরুরবা মতূংদা নুমিদাংৱাইরম অথেঙবদা তেক্ত-কায়দনা ফংবদি ঙমখ্রে। কুকি মিলিটেন্টশিংনা চত্থরকখিবা অকনবা এত্তেক অদুদা মফম অদুদা লৈখিবা মনিপুর পুলিশ অমসুং অসাম রাইফলসনচিংবসু য়াওনা সি আর পি এফকা পূল্লবা কম্বাইন ফোর্সনা মিলিটেন্টশিং অদুদা খূৎ হন্দুনা নোংমৈ কাপ্নখিবা থৌদোক্তা কুকি মিলিটেন্ট ১১ খুদক্তা শিখ্রে হায়রি।
মিলিটেন্টশিং অদুগী মায়কৈদা অশোক- অপন কয়াসু য়াওখিবা মরম্না অশীবগী মশীং হেনগৎলকখিবা য়ারি হায়না পানরি। কম্বাইন ফোর্সকা লান্থেংনখিবা অদুদা লেমহৌরিবা, মশীং য়াম্লবা কুকি মিলিটেন্টশিং অদূ মফম অদূদগী নান্থোক্তুনা খোঙলৈ থুনা-য়াঙনা চেনখ্রে হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে