চিন- কুকি নার্কো- টেরোরিস্ট শিংনা মৈতৈ- ফূরুপকি মথক্তা লৌরোক পান্থা মতমসিদা এত্তেক চত্থরকপগী চাং নোংমা নোংমগী হেঙ্গৎলক্লি। মসীগী শরুক অমা ওইনা থা অসীগী মাপনগী অয়ুক পূং ১১.৩০ রোম তারকপদসু বিষ্ণুপুর দিষ্ট্রিক্ট কি কুম্বি কেন্দ্রগী মনুংচন্না সাইতোন জি পি ৱার্দ নম্বর ৬ , ৱাথা লম্বী মমাঙ লৈকায়দগী মৌ নহা অমা সাইটোন খূঙ্গং মনাক্কি ৱাথা লম্বী মনাক্তা লৈরিবা লৌফম অমদা লৌ শূরিঙৈদা মিলিটেন্টশিং অদূনা অকনবা মওংদা নোংমৈ কাপশীল্লকপদগী থৌদোক থোকফম অদূমক্ত দা লৈখিদ্রে।
মহাক্কি পূকচেপ, শেগ্ৰাক অমসুং পাম্বোমদা নোংমৈ মরূ অমমম, পূন্না মরূ অহুম পানখিবগী দাকফম লৈরম্মি হায়রি। কুকি মিলিটেন্ট শিংনা মফম অদুগী মনাক্তা নক্না লৈরিবা দাম্পি রিজার্ব ফোরেষ্ট রেঞ্জগী চীঙথক্তগী অত্তৎ- অখম লৈতনা নোংমৈ কাপথরকপদা মৌনহা অদূ লৈখিদবনি। মহাক্কি মচানূপী অহল, চহী ১২ শুরবী অমা, মচানূপা য়াইমা চহী ৭ লোম শুরবা অমসুং মচানূপা অতোম্বা চহী ৩ শুরবা অমগা পূন্না অঙাঙ অহুম হুন্দোক্লম্লে হায়রি। লৈখিদ্রবী অদূগী মমিং সাপম সোফিয়া (৩৪) মপুরোইবগী মিং দয়ানন্দ কৌই হায়রি।
খোয়শাওনরবা মীয়াম্না লৈখিদ্রবী অদূগী হকচাং অদূ মফমদুদা পোষ্ট হাংদুনা লৈরিবা বি এস এফকি কেম্পতা থমজিন্দুনা অকনবা প্রোটেষ্ট তৌরুবসু লৈখ্রে হায়রি। সেন্টর অমসুং ষ্টেট লৈঙাক্কি চেকশীন্দবা অমসুং থৌশাদবগী থৌওংশিং মীয়াম্না অকনবা মওংদা পেন্নদবা ফোঙদোক্নরক্লি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে