মনিপুরদা মমাঙ চহীগী মে অহুমদগী লেপ্পা লৈতনা কাঙলূপ অনীগী মরক্তা থোক্লিবা হীংশাগী ঈরাং অসী মতম পূম্নমক্কি ওইনা লোইশিন্ননবগী পান্দমদা য়ুনিয়ন হোম মিনিষ্টর অমিট শাহানা মৈতৈ কুকি অমসুং নাগা ফূরুপকি এম এল এ, মিনিষ্টরশিং ন্যু দিল্লিদা কৌরক্তুনা মীফম পাঙথোক্লিবা অসী য়াম্না শীঙথানিঙাইনি। থৌশিল অসীদা মনিপুরদা লৈরিবা মীটৈ- পাঙলশিংনা মপূংফানা শৌগৎলি। মনিপুরগী টেরিটোরিয়েল ইন্টিগরিটিদা শোক্লোইদবা থবক থৌরম পূম্নমক্তা মীটৈ- পাঙল খুনাইনা মাঙজীল থানা চোংথোক্তুনা থবক তৌগনি হায়না ওল মনিপুর মুস্লিম ওরগনাইজেসন কো-ওর্দিনেটিং কম্মিটি (অম্মোকোক) না ফোঙদোকখ্রে।
অমরোমদনা, অসীগুম্বা মনিপুরগী খ্বায়দগী মরুওইবা মীফম অসীদা মীটৈ- পাঙল ফূরূপকি এম এল এ অমত্তা কৌবিরক্তবসি সেন্টর লৈঙাক্কি করম্বা থৌশিলনো হায়না কম্মিটি অসীগী প্রসিদেন্ট ওইনা লৈরিবা এস এম জল্লালনা পেন্দবা ফোঙদোকখ্রে। ঙসি ইম্ফাল গী হট্টাদা লৈরিবা অম্মোকোক কি ওফিসতা পাঙথোকখিবা পাউমীশিংগা উনবগী থৌরমদা জল্লালনা ৱাফম অসী ফোঙদোক্লদুনা হায়, লমদম অসীগী পুৱারিদা নিংথৌরোল কয়াগী হাক্তক্তগী অৱাবা নুঙাইবা কয়াদা মীটৈ- পাঙলশিংনা মপূংফানা শরূক য়াদুনা লাক্লি ।
মনিপুর মচেৎ তাগদবা, টেরিটোরিয়েল ইন্টিগরিটিদা কায়রক্কদবা থৌওং অমত্তা মীটৈ- পাঙলশিংনা শৌগৎলোই হায়খি। মতূং তারকপদা মনিপুরগী অফবা খোঙথাংশিং পায়খৎপদা মীটৈ- পাঙলশিংদসু খঙহনবিয়ু হায়না হোম মিনিষ্টরদা চেরোল থারগনি হায়খি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা