হৌখিবা সেপ্তেম্বর ২৭ তা ন্যু কৈথেলমানবীদা লৈবা মাপনশুবা সেক্তর আসাম রাইফলসতা রিক্রুটমেন্ট রেল্লি য়াওবা চৎখিবদা কুকি মিলিটেন্টশিংনা নুমিৎ তরুক্নি ফাজিন্দুনা থম্লুরবা মতূংদা চৎলিবা ওক্তোবর থা অসীগী অহূমদা থাদোরকখ্রে।থৌদোক অসীগী চৈরক্তা, মতম খরগী মমাঙদগী তোঙান তোঙানবা চার্জ দা ফাজিন্দুনা হৌজিক শজিৱা জেলদা থম্লকখিবা কুকি কাঙলূপকি প্রিজনর তরামাথোই ঈখঙ-খঙহৌদনা থাদোকখ্রে। কুকি-মিলিটেন্ট শিংনা ফাজিল্লুরবা মৈতৈ ফূরুপকি নহা অনী থারোদরকপগা মতম চপ মান্ননা কুকি ১১ থাদোরকখিবা থৌওং অসী মনিপুর লৈঙাক্না কুকি ১১ অদু মৈতৈগী নহা অনীদুগা শিন্নখিবা ওইগনি হায়না মীয়াম্না লৌনরি।
থা অসীগী অহুমগী অয়ূক পূং মঙা তাবদা কুকি মিলিটেন্টশিংনা ফাজিল্লুরবা মৈতৈ ফূরুপকি নহা অনী অদূ কম্মিটি ওন ট্রাইবেল য়ুনিটি (কোটু) গী কাঙবূনা কাংপোকপী পুলিসকি এস পিদা শিন্নরকখিবনি। মদুগী মতূংদা কাংপোকপি পুলিসকি এস পিনা মখোয় অনীবু গামতিফাই ফাওবা পুরক্লবা মতূং ইম্ফাল ৱেষ্ট দিষ্ট্রিক্ট পুলিসতা অমুক শিন্নরকখিবনি।
নহা অনী ফাজীন্দুনা থমখিবা অদূবু য়ানীংদবা ফোঙদোক্তুনা শেমখিবা জে এ সিনা, হন্দক নহা অনীদু থাদোক্নবা হোৎনবদা অকনবা ঈহৌ কয়াদা শরূক য়াখিবা পূম্নমকপু থাগৎপা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে