ঙরাং ঊখ্রূল দিষ্ট্রিক্টকি মনূংদা লৈবা, তাঙ্খুল কম্যুনিটিখক্না খুন্দারিবা, থংননা লৈবা খুঙ্গং অনীগী খুঞ্জাশিং বাউন্দরিগী মতাঙদা য়াম্না কন্না য়ান্নরক্তদুনা মূক্নরকপদগী খূৎ থোক্নবদা য়ামদ্রবদা মীওই অহূম খূদক্তা লৈখিদ্রে অদূগা মীওই কূনথ্রা রোম হেন্না অশোক অপন মায়োক্নদুনা লায়কন্নখ্রে। অশোকপা মীওই খরগী ফীভম য়াম্না লুনা লৈবনা শিবগী মশীং হেঙ্গৎলক্লবা য়াই হায়না পানরি। শিরবা মীওই অহূম অদুগী মনূংদা মনূংদা মনিপুর রাইফলসকি পার্সনেল অমা য়াওখ্রে অদুগা অনীনা মফম অদূগী খুঞ্জাশিংনি।
উখ্রূলগী হুনফুন অমসুং হুংপুং ভিল্লেজ অনিগী মরক্তা লমগী, মরূওইনা খুঙ্গং অনী অসিগী মরক্তা মতম কয়াগী মমাঙদগী চয়েৎনদুনা লাকখিবনি হায়রি। লৈরিবা ৱাফম অদূগী মতাঙদা ঙরাং খঙহৌদনা অচৌবা ঈরাং শাগৎনরকপদগী মীকূম খরগী মনূংদা হেন্না পাকথোক-চাউথোরকপদগী নোংমৈফাওবা শীজিন্নদুনা খূৎ থোক্নরকপদগী মীশী- মীনা অমসুং অশোক- অপন কয়া য়াওরকখিবনি।
ফিভম অদূ লাকশীন্ননবা লোকেল অথোরিটিনা অকনবা খোঙথাং লৌখৎখ্রে। ঙরাং অয়ূক পূং ৯.৩০ তাবদগী সব- দিবিজনেল মেজিষ্ট্রেট ঊখ্রুলনা প্রোহিবিটরি ওর্দর ইস্যু তৌখ্রে, লম্বীদা মী চৎথোক চৎশীন তৌবা থিংখিবগী মথক্তা ইন্টর্নেট অমদি মোবাইল দেটা সর্বিসশিং অথিংবা থমজিন্দুনা ঈরাং লাকশীন্ননবা অহেনবা থবক পায়খৎখ্রে।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে