চহী লীশীং অনী হেনবগী পুৱারি লৈজরিবা ঈরমদম মনিপুর অসীদা মপান্দগী আইন কায়না খাঙুথক্তা চঙশীল্লকখিবা কুকি-জো কাঙলূপকি খূৎলায় পায়বা ইম্মিগ্ৰেন্টশিংনা লান্দারক্তুনা মীহাৎ মীপূন, মীওৎ মীনৈগী থবকশিং থা ১৬ চত্থরক্ল ফাওবসিদা ষ্টেট লৈঙাক অমসূং সেন্টর লৈঙাক্না তূমিন্না লৈশিনবা, কুকি- মিল্লিটেন্ট শিং লাকশীন্দুনা মশাগী মরমদমদা হলহনবা ঙমদবগী মায়োক্তা মশীং য়াম্লবা ঈমা মৈরা পায়বী ১০০০ হেনবনা অচৌবা প্রোটেষ্ট রেল্লি চৎখিবগা লোয়ননা ৱাকৎ মীফম চত্থখ্রে।
ইম্ফাল ইষ্ট দিষ্ট্রিক্টকি অন্দ্রো কেন্দ্রগী মনূং চন্না লৈরিবা ঈমা কয়ানা চৎখিবা রেল্লি অদুদা, মনিপুরবু ইন্দিয়ানা মর্জর এগ্রিমেন্ট খূৎয়েক নমদূনা পীহল্লবা মতূংদা ইন্দিয়াগী ফীবান্নুংদা চনখিবা নুমিৎ অদূগী মমাঙদা মনিপুরনা নীঙ-খা তম্না, কনাগীসু মখা পোন্দনা লৈরকখিবা ফীভম অদূ হঞ্জিঞ্জরগে হায়বা অকনবা খোল্লাউ কয়া লাউখি। খোঙচৎ অদূ তোঙান তোঙানবা মায়কৈদগী লাক্তুনা য়াইরিপোক কৈথেলগী ট্রাফিক আইলেন্দ ফাওবা চৎলুরবা মতূংদা য়াইরিপোক লাইমনাই থোংখোঙ লম্পাক্তা পূন্দুনা মীয়ামগী অচৌবা ৱাকৎ মীফম চত্থখি।
মনিপুর কায়বা য়ারোই হায়বা বেন্নরগী মখাদা চৎখিবা মীয়ামগী খোঙচৎ মনূংদা মায়কৈ অদোমগী কৈথেল অমসূং দুকান পূম্নমক থোঙ লোন্নখি। কুকি- মিলিটেন্ট শিং তকথোক্কদবনি, গো বেক সেন্ট্রেল সেক্যুরিটি ফোর্স, মনিপুরগী শক্তম কায়হনবা য়ারোই, খুল ঙাকপশিং ফাবা য়ারোই হায়বনচিংবা খোল্লাউনা অতিয়া শীন্থুংনা নিনখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে