মালেম পূম্বগী ওইনা লৈরিবা অহল মতম ওইশিল্লক্লবা মমা-মপা, মপূ-মবেল ওইরিবশিংদা মরী-মতা, মচা-মমৌ, মশূনচিংবনা তাথী-তাওইনা তৌদনবা মীয়ামগা পূন্না ৱাখল তামিন্ননবা পান্দমদা ওবজার্বেসন ওফ ৱারল্ড এল্ডর এব্যুজ এৱের্নেস থৌরম থৌবাল দিষ্ট্রিক্ট মনূঙচন্না লৈরিবা ৱাংবনগী সেনিয়র সিটিজন হোমদা পাঙথোকখ্রে।
মনিপুর ষ্টেট লিগেল সর্বিসেস অথোরিটি (মাসলসা) গী মীৎয়েং মখাদা দিষ্ট্রিক্ট লিগেল সর্বিসেস অথোরিটি ( দলসা) থৌবাল দিষ্ট্রিক্ট না শীন্দুনা পাঙথোকখিবা এৱের্নেসকি প্রোগ্রাম অদূদা সেনিয়র সিটিজন হোম অসিগী সুপরিন্টেন্দেন্ট খাঙেম্বম তোম্বা, খোইস্নাম লেম্বিসনা চনূ, এদভোকেটশিং, পেরা লিগেল ভল্লন্টিয়রশিং অমসুং দলসাগী থৌমীশিংনা শরুক য়াখি।
অয়ূক পূঙ ৯.১৫ রোম তাবদগী হৌদোকখিবা থৌরমদুদা রাইটস এন্দ এন্টাইটলমেন্ট ওফ সেনিয়র সিটিজন্স হায়বা টোপিক্তা খোইস্নাম লেম্বিসনা চনূনা রিছোর্স পার্সন অমা ওইনা ৱা ঙাঙখি। ইন্টরেক্সন থৌরম অমসু চত্থখিবগা লোয়ননা হোম অদূগী অহলশিংগা চাক্লেন অমসু চাম্মিন্নখি।