হন্দক ইন্দিয়ান পারলিয়ামেন্টনা পাস তৌখ্রবা ৱাকফা এমেন্দমেন্ট এক্ট, ২০২৫ কি প্রোভিজন খরা ঙরাং সুপ্রিম কোর্টনা ষ্টে তৌখ্রে। মরুওইবা প্রোভিজন খরা এপেক্স কোর্ট অসীনা ষ্টে তৌখিবা থৌওং অদূবু মায়কৈ কয়াদগী হরাওবা, নুঙাইবা ফোঙদোক্নরক্লি। লৈঙাক্না পাস তৌখিবা অনৌবা এক্ট অসীবু লৈবাক অসীগী অয়াম্বা মীওইশিংনা য়ানিংদবা অমসুং পেন্দবা ফোঙদোক্নরগা লাকখিবনি। মরূওইনা মুস্লিম কম্যুনিটিগী ক্লেরিকশিংনা য়াম্না কন্না য়ানীঙদবা ফোঙদোক্নরিবনি। ফূরূপ অমগী লাইনিং লম্বীদা সেন্টর লৈঙাক্না খূৎ থিংজিল্লকপগী থৌওং অমনি হায়না অকনবা মওংদা কন্দেম তৌদুনা লৈরকখিবনি।
সুপ্রিম কোর্ট না হন্দক লৌখৎলক্লিবা খোঙথাঙ অসী অপেনবা ফাওই হায়না মাইনোরিটি এফ্যের্স কি য়ুনিয়ন মিনিষ্টর কিরেন রিজিজুনা নুঙাইবা ফোঙদোকখি। থৌওং অসী ইন্দিয়াদা দেমোক্রেসি মপূঙফানা চৎনরি হায়বদুগী ময়েক শেংলবা খূদম অমনি হায়না মিনিষ্টর অসীনা ফোঙদোকখি।
সুপ্রিম কোর্টকি চিফ জষ্টিস দি ৱাই চন্দ্রচুদ, জষ্টিস বি আর গাভাই অমসুং জষ্টিস এ জি মাশি গী বেঞ্চনা ফোঙদোকখিবা মতূঙ ইন্না, এক্ট অসী পুল্লপ ওইনা, মপূঙফানা ষ্টে তৌননবগী মতীকচাবা মরম লৈতে। মসীনা মরম ওইরগা মরূ ওইবা প্রোভিজন খরা মতম খরগী ওইনা ষ্টে তৌবনি হায়খি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা