কুকি ওর্গানাইজেসন ফোর হ্যুমেন রাইটস না সুপ্রিম কোর্টতা থাঙ্গৎলকখিবা কেসকা মরী লৈননা এপেক্স কোর্ট অসীনা লৌখৎখিবা প্রোসিদিংসগী মখা চত্থরকপা ওইনা মনিপুরগী হান্নগী চিফ মিনিষ্টর নোংথোম্বম বীরেনগী খোঞ্জেলনি হায়নরিবা মিনিট ৪৮ শাংবা ওদিও টেপ অদূগী খোঞ্জেল মপূম ওইনা পীরকপা লৈত্রি।
কুকি ওর্গানাইজেসন ফোর হ্যুমেন রাইটস কি মায়কৈদগী ওদিও ক্লিপ অদূগী মিনিট ৪৮ শাংবা রেকোর্দ সুপ্রিম কোর্টতা লানখৎখ্রবসু গুজরাত্তা লৈরিবা নেস্নেল ফোরেন্সিক সাইন্সেস য়ুনিভর্সিটি না অচূম-চুমদা খঙদোক্ননবা কয়ারক চেক তৌরবা মতূঙদা এপেক্স কোর্ট অসিদা পীখৎলকপা ওদিও অদূদি মচেৎ -মকায় ওইরি। মদূগী মহূৎ মপূম ওইনা পীখৎলক্কদবনি হায়না সুপ্রিম কোর্টকি জস্তিস সঞ্জোই কুমারনা লুচিংবা বেঞ্চনা লৈঙাক্কি মায়কৈদা লেপখিবা এদ্দিস্নেল সোলিসিটর জেনরেল আইস্বারিয়া ভাটিদা খঙহনখ্রে।
কেস অসিগী হীয়ারিং মমাঙ চহীগী দিসেম্বর থাদা চত্থখ্রবা মতূঙদা মিনিট ৪৮ শাংবা ওদিও টেপ অদূ লৈঙাক্কি মফমদা য়ৌরক্লে হায়বা ৱাফম এদ্দিস্নেল সোলিসিটর জেনরেল না কোর্টতা শেংদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা