সেন্ত্রেল কাবুলদা শক্তি লৈরবা বোম পোকখায়খ্রবা মতূঙদা আফগানিস্তান অমসুং পাকিস্তান অনীগী মরক্তা উংখৎনরক্তুনা অকনবা মওংদা ঙমখৈগী লান অমা হন্দক চত্থদুনা লৈরি। সিজফায়র এগ্ৰিমেন্ট খূৎয়েক পীনদুনা, মরক্তা লান অসী লেপ্লুরবসু য়ানবা পুরকপা ঙমদবদগী হৌজিক মখা চত্থরিবনি।
ইন্তানবুলদা অহানবা তাঙ্কক্কি ওইনা ৱারী শানখ্রবা মতূঙদা লৈবাক অনীগী মরক্তা হৌজিক অনীশুবা তাঙ্কক্কি ওইনা ৱারী মখা চত্থরগা লৈরি। হন্দক্কি ৱারী শান্নবা অসীদা য়ানবা পুরকপা ঙমদ্রবদি অফঘানিষ্টানগা লান অমদি শোয়দ্রে হায়না পাকিস্তানগী দিফেন্স মিনিষ্টর খ্বাজা মোহম্মদ আসিবনা ফোঙদোকখ্রে।
হৌখিবা চয়োল অনীরোম খরা হেন্না লৈবাক অনীগী মরক্তা শোক্নদুনা লাকখিবা ঙমখৈগী লান অদুদা মীচম য়াওনা লান্মী কয়ামরুমসু শিখ্রবনি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে