মনিপুর য়ুনিভর্সিটিদা নত্রগা অতৈ য়ুনিভর্সিটি অমগী প্রোফেসার অমা ওইবা হায়বসি য়ামদ্রবদা পি এইচ ডি দিগ্ৰি হোল্ডর অমা ওইবগী মথক্তা য়ামদ্রবদা চহী তরা চূপ্না টিচিং এক্সপিরিয়েন্স লৈবা ওইগদবনি। হন্দক মনিপুর য়ুনিভর্সিটিগী দিপার্টমেন্ট ওফ টিচর ইদুকেসন্দা ক্রাইটরিয়া শুদবা মীওই অমা প্রোফেসার ওইনা খঞ্জীল্লম্লে। মসী কৈদৌনুংদা য়াবা ঙম্লোই হায়না কংলৈপাক ষ্টুদেন্টস এসোসিয়েসন (কে এস এ) না ফোঙদোরক্লি।
ইম্ফালগী খুয়াথোংদা লৈরিবা মহৈরোয় লূপ অসীগী ময়ায় লোয়শঙদা পাউমীশিংগা উনবা থৌরম অমদা লূপ অসীগী প্রসিদেন্ট সুখাম বিদ্যানন্দনা হায়, মনিপুর য়ুনিভর্সিটিদা প্রোফেসারগী অহাঙবা ফম অনী লৌননবা থোকখিবা নোটিফিকেসন্দা মহৈগী থাক পি এইচ ডি হোল্ডর অমা ওইবগী মথক্তা য়ামদ্রবদা চহী তরাগী টিচিং এক্সপিরিয়েন্স লৈবা ওইগদবনি হায়বা ৱাফম য়াওরি।
অদূম ওইনমক হন্দক প্রোফেসার ওইনা খল্লকখিবা মীওই অসীদি অন্ধ্র প্রদেশতা লৈবা কে এম এম কোল্লেজ ওফ ইদ্যুকেসন হায়না খঙনবা প্রাইভেট স্কুল অমদা শূপ্নগী চহী ৮ খক্কি টিচিং এক্সপিরিয়েন্স লৈবা মীওই অমনি হায়বসি ময়েক শেংনা খঙলে। পবনকুমার যাদবলি হায়রিবা নন মনিপুরি অসী ক্রাইটরিয়া শুদবা মীওই অমনি। মরম অদুনা মহাকপু খূদক্তা প্রোফেসার ওইনা খল্লিবসিদগী লৌথোকখিগদবনি হায়না মহাক্না ফোঙদোকখি।মরী লৈনবা অথোরিটিনা অথূবা মতমদা থবক লৌখৎলকত্রবদি হেন্না কনবা খোঙজঙ চঙশীল্লগনি হায়না মহাক্না ফোঙদোকখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে