ভিল্লেজ দিফেন্স ফোর্স (ভি দি এফ) পার্সনেলশিংনা মতম কয়াগী মমাঙদগী মখোয়গী থাগী তোলোব হেঙ্গৎহন্ননবা অমসুং জোব সেক্যুরিটি পীবীনবা তকশীন্দুনা পেন দাউন অমদি গন দাউনগী অকনবা খোঙজঙ চঙশীন্দুনা লাকখিবদু ঙরাং মনিপুর লৈঙাক্কি মায়কৈদগী ভি দি এফ শিংগী মিনিমম ৱেজ হেঙ্গৎহনখিবগা লোয়ননা খূদক্তগী খোঙজঙ সস্পেন্দ তৌদুনা মহৌশাগী মথৌদা হঞ্জিনখ্রে, দ্যুটি তৌবা হৌখ্রে।
ভি দি এফশিং অসীদা মনিপুর লৈঙাক্না কয়ারক হন্না তোলোব হেঙ্গৎলগনি হায়বগী থাজবা পীবদগী ঙাইদুনা লৈরকখিবগা লোয়ননা মশাগী চপচাবা মথৌশিং পাঙথোক্তুনা লাকখিবনি অদুবু থেঙ্খাং কয়ারক্তা লৈঙাক্কি কম্মিটমেন্ট অদূ থবক্তা ওন্থোরক্তবদগী মমাঙ চহী ২০২৫ গী দিসেম্বর ২৩ দগী পেন দাউন অমসুং গন দাউনগী অকনবা খোঙজঙ চত্থরক্তুনা লাকখিবনি।লৈঙাক্না পীখিবা থাজবশিং ঙরাং জনুৱারী ১৫ ফাওবদা থবক্তা ওন্থোকপিরক্ট্রবদি ঙসী জনুৱারী ১৬ তগী হীঙশা য়াওবা, মমাঙদা লমদমশিগী মীয়াম্না অমূক্তা উখিদ্রিবা খোঙজঙ চঙশীনগনি হায়বা ৱাফম ওল মনিপুর ভি দি এফ ৱেলফ্যের এসোসিয়েসন্না লাউথোকখিবসু লৈখ্রবনি।
ঙরাং মনিপুর লৈঙাক্কি জোইন্ট সেক্রেটরি হোম না চেরোল অমা থোক্তুনা ভি দি এফশিংগী থাগী তোলোব হেঙ্গৎলগনি হায়বদু খঙহল্লকখিবনি।হৌজিক ভি দি এফ অমনা থা অমদা লুপা ১৪,৪০০ ফংলগনি।মসীগা লোয়ননা ভি দি এফশিং খূদক্তগী মশাগী মথৌদা হঞ্জিল্লগনি হায়না এসোসিয়েসনগী প্রেসিদেন্ট শগোলসেম সঞ্জিৎনা পাউমীশিংদা ফোঙদোকখি।হেঙ্গৎলিবা থাগী তোলোব অসী চৎলিবা জনুৱারী থা অসীগী অমদগী চৎনরগনিসু হায়রি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে