ইরান্না অনৌবা ন্যুক্লিয়র দিল সাইন তৌগদবনি, করিগুম্বা মদূদা ইরান্না ঙকচাও থেক্তুনা সাইন তৌ হায়বা য়াদ্রবদি য়ু এসকি অকনবা এত্তেক মায়াক্নগনি হায়না য়ু এস প্রসিদেন্ট দোনাল্ড ট্রম্প না ফোঙদোরক্লিবদুদা ইরান্না কিগদবা লৈতে। অনৌবা ন্যুক্লিয়র দিল অদুদা ইরান্না কৈদৌনুংদা সাইন তৌরোই। মদূগীদমক এত্তেক চত্থরক্লবদি ইরানগী অকোয়বদা লৈরিবা য়ু এস বেজ পূম্নমক মীকূপ অমগী মনূঙদা তকখায়দুনা মৈ থাদোক্তুনা ঊৎ ওলহনগনি হায়না ইরান পারলিয়ামেন্টকি স্পিকর মোহম্মদ কালিবাফ না অকনবা ৱার্নিং তৌরকখ্রে।
মসিগী মমাঙদা, হৌখিবা মার্চ থাগী অঙনবা শরুক্তা য়ু এস প্রসিদেন্ট দোনাল্ড ট্রম্প না ফোঙদোকখিবা অমদা, মহাক্না ইরানগী সুপ্রিম লিদর অয়াটোল্লাহ আলি খামেনৈগী মফমদা চেরোল অমা ইদুনা, ন্যুক্লিয়র দিল অমা সাইন তৌগে হায়ব্রা নত্রগা য়ু এসকি মিলিটরি এক্সন মায়োক্নবা পামব্রা- ওপ্সন অনী অসীগী মনূঙদা অমা খঞ্জগদবনি হায়রকপা লৈখিবনি। মদূগী পাউখুম ওইনা কালিবাফ কি অকনবা ৱাফম অসী ফোঙদোরকপনি।
অমেরিকানা ইরানগী সেঙ্কটিটি মাঙহন্ননবা হোৎনরক্লবদি নোংমৈ মরুগী নোংজাউ মশীঙ খঙদনা য়ু এস বেজশিংদা হৈথরক্কনি হায়না কালিবাফনা ফোঙদোকখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে