মনিপুরগী গভর্নর অজয় কুমার ভাল্লানা ইম্ফাল ইষ্ট দিস্ট্রিক্টকি নিলকুথিদা লৈরিবা অর্বান হট তা নুমিৎ মঙানি চত্থগদবা মনিপুর ইন্টর্নেস্নেল টেক্সটাইল এক্সপো (মানিটেক্স) হৌদোকখ্রে।এক্সপো অসী চৎলিবা নবেম্বর ৮ দগী ১২ ফাওবা চত্থগদবনি।
থৌরমগী অথোয়বা মীথূঙলেন ওইনা ৱা ঙাঙখিবা গভর্নরনা হায়,এক্সপো অসিদা মনিপুরি আর্টিসানশিংগী তোমথিন ওইরবা খূৎ -শা হৈবগী পোত্থোকশিং ঊৎপদা নত্তনা অসীগুম্বা মখল মখা কয়াগী ফজরবা পোৎলমশিং নেস্নেল অমদি ইন্টর্নেস্নেল গী কৈথেলশিংদা য়ৌহন্দুনা লমদমশিগী শেন্মিৎলোন হেন্না ফগৎহন্নবগী পাম্বৈ অমা ওইরগনি।হেন্দলূম অমসুং টেক্সটাইলনা মনিপুরগী শেন্মিৎলোন অসিগী খ্বাইদগী মপাঙ্গল কল্লবা য়ূম্বী অমা ওইরিবনি হায়না গভর্নরনা ফোঙদোকখি।হেন্দলুম অমসুং টেক্সটাইলনা মনিপুরগী চীঙ অমসুং তম্পাক্তা লৈরিবা ঈমূঙ লীশীং কয়াদা থবক পীদূনা অচৌবা শেন্থোক লম্বী পীরি,হিংনবগী খ্বাইদগী মরুওইবা পাম্বৈ ওইরি হায়খি।
ফিশাবীশিংদা মতেঙ পাংবিদুনা মখোয়গী মতীক -ময়াই হাপকৎপা হায়বসি খুন্নাই অসিগী মপাঙ্গল কনখৎহনবনি হায়না লৌফম থোকই।লৈঙাক্না হৌজিক ৱান দিষ্ট্রিক্ট,ৱান প্রদক্ট,পি এম মিত্রা পার্ক অমসুং দিজিটেল ইন্দিয়া ঈ-কম্মর্স ইন্টিগ্ৰেসন্নচিংবা থৌরাং কয়া লৌখত্তুনা লৈবাক অসীগী আর্টিসানশিংগী মতেং পাংলি হায়না গভর্নরনা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা