উত্তরখন্দ ষ্টেটকি চামোলি দিষ্ট্রিক্টকি মনূঙচন্না, মানা এরিয়া মনাক্তা হায়ৱে পাকথোকপা অমসুং লৈনূঙ হূত্তুনা থবক শূবগী থবক তৌদুনা লৈবা শিন্মি ২৫ ঙরাং ঈখঙ খঙহৌদনা অচৌবা উনগী চীঙদূম অমা নীঙখায়রকপদা চেন্থোরকপা ঙমহৌদবদগী নন্সিন্দুনা লৈখিবনা মরম ওইদুনা মখোয়গী মরায়বক হৌজিক তম্বা ঙমদবা ফীভম অমদা লৈখিবগা লোয়ননা শিরম্লগদ্রা হায়বগী চাউনা মিপাইনরি হায়না মরী লৈনবা ওফিসিয়েলশিংনা ফোঙদোকখ্রে।
উনগী চীঙদূম অদূ নীঙখায়রকখিবা মতমদুদা মফম অদুদা প্রোজেক্ট কি থবক শূদুনা লৈখিবা, বি আর ওগী কন্ট্রেক্টর – শিন্মি মশীঙ অসী পূন্না ৫৭ নি হায়রি। মখোয়শিং অদূগী মনূঙদগী হৌজিক ফাওবদা রেসক্যু ৱার্করশিংনা শিন্মি ৩২ দি মফম অদুদগী মশাদা অশোক- অপন কয়াগা লোয়ননা পুথোরক্তুনা হৌজিক মনাক নকপা হোস্পিটালশিংদা অরুবা ফিভমদা লায়কন্নরগা লৈরি।
লেমহৌরিবা শিন্মি ২৫ অদুদি রেসক্যু টিমশিংনা ফংবা ঙমদনা লৈরি হায়রি। ইন্ডিয়ান আর্মি অমসুং আই টি বি পিগী টিমশিং হৌজিক লাইবক থীবা থৌদোক থোক্লিবা মফম অদুদা থুংখিবগা লোয়ননা রেসক্যু ৱার্করশিংনা লৌখৎলিবা মী কনবগী থবক- থৌরমশিংদা মতেঙ পাংশিনবা হৌখ্রে হায়রি। উন য়াম্না কন্না, অহীং- নুংথিল লেপ্তনা তারকপদগী মফম অদূদা হেলিকোপ্তরনচিংবা পাইশিন্দুনা রিলিফ অমসুং রেসক্যু ওপরেসন চত্থবসু ঙমদ্রি হায়না পাউ অসীনা মখা তারক্লি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে