অকক্নবা ইন্টলিজেন্স ছোর্স অমদা য়ূম্ফম ওইরগা ন্যু কৈথেলমানবী পুলিসকি টিম অমসুং ১৯ শুবা আসাম রাইফলসকি কম্বাইন্ড সেক্যুরিটি ফোর্সনা কাংপোকপী দিষ্ট্রিক্টকি ন্যু কৈথেলমানবি পুলিশ ষ্টেসনগী মনূঙচন্না লৈরিবা তিঙ্কাই ভিল্লেজ এরিয়াদগী য়াম্লবা খূৎশু- খূৎলায় কয়ামরুম ফাগৎপা ঙমখ্রে।
ঙরাং অয়ূক পূঙ ৪.৩০ রোম তাবা মতমদা কম্বাইন্ড সেক্যুরিটি টিম্না চত্থখিবা সর্স ওপরেসন অদুদা ঐচ কে ওটোমেটিক রাইফল অমগা লোয়ননা মেগজিন অমা, কন্ট্রিমেদ পুল মেকানিজম রাইফল মরি, মেগজিন য়াওবা পোইন্ট ৩২ গী পিষ্টোল অমা, মোর্টার অমা, মোর্টার বোম মঙা, কেনৱুদ মোটোরোলা অমা, পোইন্ট ৭.৬২ এম এমগী মরূ অহুম, নাইন এম এমগী স্নাইপর মরূ মরি অমদি অতৈ খূৎশু- খূৎলায় কয়ামরুম রিকোভর তৌখি।
ফাগৎলবা খূৎলায়শিং অদূ মখাতাবা আইনগী থবক লৌখৎনবগীদমক কৈথেলমানবী পুলিস ষ্টেসন্দা খূৎশীন্নখ্রে হায়রি। হৌখিবা থা অনীরোমগী মতমসিদা কম্বাইন্ড সেক্যুরিটি ফোর্সনা চীঙ অমসুং তম্পাক্কি মফমশিংদগী মশীঙ য়াম্লবা খূৎশু- খূৎলায়শিং ফাগৎপগী থবকশিং নোংমা কাংদনা চত্থরক্লি। হৌখিবা নুমিৎ খরনি অসীদা হীঙশাগী ঈরাং থোকপগী চাংসু শীঙথানিঙায় ওইনা হন্থরক্তুনা মহৌশাগী ফীভমদা তপ্না-তপ্না হঞ্জিল্লক্লি।
You may also like
-
মনিপুরগী মহৈরোই ১৩ ইসরোগীদমক ইম্ফাল থাদোকখ্রে
-
মনিপুরগী দিষ্ট্রিক্ট মরীদা কম্বাইন্ড ফোর্সনা সর্স ওপরেসন চত্থবদা য়াম্লবা খূৎশু-খূৎলায়শিং রিকোভর তৌবা ঙমখ্রে
-
মনিপুরগী কুকি-জো অমসুং মাও নাগা কাঙলূপকি আই এ এস ওফিসার অনী ফাইনান্স মিনিষ্ট্রিগী টোপ পোষ্টশিংদা ইন্দক্ট তৌখ্রে
-
সেন্টরগী মায়কৈদগী কৌরকপদগী মনিপুর লেজিসলেটিব এসেমব্লিগী স্পিকর সত্যবর্তা দিল্লিদা পাইশিনখ্রে
-
মনিপুরদা পি আর থমজিন্দুনা ঊৎ চাইবনা য়ারোই, চপ চাবা থবক লৌখৎলু: বিমোল