লাক্কদৌরিবা কুমশিং ২০২৭তা পাঙথোক্কদৌরিবা ষ্টেট এসেম্বলী মীখল অসীদা কংগ্রেসনা এবসোল্যুট মেজোরিটি শোয়দনা ফংলগনি হায়বগী থাজবা য়াম্না চাউনা লৈখিবগা লোয়ননা ঙরাংসু রাজনিটিদা শক্নায়রবা মীওই কয়ামরুম চঙলকখ্রে। লাক্কদৌরিবা ইলেক্সন অসীগীদমক পার্টি অসিনা অহীং-নুংথিল লেপ্পা লৈতনা হোৎনরি। কংগ্রেস পার্টিদা চঙলকখ্রবশিং তরাম্না ওক্তুনা ঈকায়খুম্নবসু ঊৎখ্রে। তরাম্না ওকখ্রবশিং অদুদি- শগোলবন্দ এ সিগী হান্নগী এম এল এ ওইরম্বা দা. কে ঐচ লোকেন, তামৈ এ সিগী হান্নগী এম এল এ জেট কিখোনবৌ ন্যুমাই, তমেংলোং এ দি সিগী চ্যেরমেন ওইরম্বা হুমালিবৌ, তমেংলোং এ দি সিগী মেম্বর ওইরম্বা রামৱাংদিন অবোনমৈ, এমপি গুরাং, তাদিনাং গাংমৈ, সোসিয়েল ৱার্কর লাভনর চৱাং, অদাম থ্যুমাই, মনাসেন চৱাং, অচপবৌ ন্যুমাই, জোহন চরেনামৈ অমসুং রামতি নেলেনি।
মখোয়বু তরাম্না ওক্তুনা ঈকায়খুম্নবসু ঊৎখিবা থৌরমদুদা হান্নগী চিফ মিনিষ্টর ওক্রম ইবোবিনা হায়, কংগ্রেস পার্টিদা শক্নায়রবা মীওই কয়ামরুম নোংমা নোংমগী চঙলকপগী মশীং অসুম অসুম হেঙ্গৎলক্লিবা মরম্না পার্টি অসিগী ফীভম হেন্না হেন্না ফগৎলক্লি। কুমশিং ২০২৭ তা পাঙথোক্ক দৌরিবা এসেমব্লি ইলেক্সন অসীদা কংগ্রেস পার্টিনা এবসোল্যুট মেজোরিটি শোয়দনা ফংলগনি হায়বগী চাউনা থাজবা লৈরে হায়খি।
মীয়াম্না পার্টি অসীদা নোংমা নোংমগী থাজবা থম্নরক্লি। বি জে পি লৈঙাক অসিনা মীয়ামগী থাজবা মাঙহল্লকপদগী ঙসিদি লৈঙাক অসিগী ভেল্যু লৈখা তানা হন্থখ্রে হায়খি।
You may also like
-
ফেসোক্কি থৌমীশিংনা বোসেমগী ওফিস থোঙ লোনশীন্ননবা থোমজীনখ্রে
-
অরম্বাই তেঙ্গোলগী লুচিংবা কোরৌঙানবগী মথক্তা এন আই এ না কেস লৌখৎখিবগী মায়োক্তা মীয়াম্না খোঙজঙ চঙশীনখ্রে
-
মহৈ তম্লিবা মচাশিংগী অপাম্বা, অফবা ৱাখল্লোন খঙদোকপিরগা পূক্নিং থৌগৎপীবা হায়বসি মপা মমাগী থৌদাংনি
-
ফাইনান্স কম্মিসনগী টিমগা মীফম পাঙথোক্তুনা খন্নখ্রে
-
সেক্যুরিটি ফোর্স না সর্স ওপরেসন চত্থবদা য়াম্লবা খূৎশু-খূৎলায়শিং রিকোভর তৌরে