ৱাকফা এক্ট, ২০২৫ কি মতাঙদা সুপ্রিম কোর্ট না পীখিবা ভর্দিক্ট য়ানীঙদবা ফোঙদোক্তুনা মনিপুরদসু মুসলমানশিংনা অকনবা প্রোটেষ্ট তৌনবা থৌরাংলম্বা অদূ অতৈ কম্যুনিতিশিংগী ফেষ্টিবেলশিং লৈখিবগী সোলিদারিটি ঊত্তুনা মতম খরা য়ৈথোকখ্রে

পারলিয়ামেন্টনা হন্দক চয়োল খরগী মমাঙদা পাস তৌখিবা, য়াম্না কন্ট্রোভর্সিয়েল ওইরবা ৱাকফা ( এমেন্দমেন্ট) এক্ট, ২০২৫ অদূবু য়ানীংদবা ফোঙদোক্তুনা লৈবাক অসীদা লৈরিবা মুসলমানশিং অমসুং অতৈ কম্যুনিটিশিংগী মরক্তগী সোসিয়েল এক্তিভিষ্ট কয়ানা লৈবাক অসীগী খ্বাইদগী অৱাংবা ৱায়েল লোয়শঙ অমা ওইরিবা সুপ্রিম কোর্ট তা মখল-  মখা কয়াগী পেটিসনশিং লানখৎলক্তুনা হিয়ারিংগী প্রোসেস মতম শাংনা চত্থদুনা লৈরিঙৈ চৈরক্তা ইকুই কুইদ্রিঙৈদা হন্দক অমুক সুপ্রিম কোর্ট না মুসলমানশিং অমদি অতৈ মীয়ামগী অপাম্বগী মায়োক্তা ওন্ন-তৈনবা ভর্দিক্ট অমা পীরকখিবা অদূবু ওল ইন্দিয়া মুসলিম পার্সনেল লো বোর্দনা য়াম্না কন্না য়ানিংদবা অমসুং পেন্দবা ফোঙদোরকখ্রে।

মুসলিম খুন্নাইখক্তা নত্তনা লৈবাক অসীদা লৈরিবা মুসলমানশিং নত্তবা, অতৈ রেস্নেল ওইবা, অচূম্বা পামজবা কম্যুনিটিশিংগী মরক্তগীসু সুপ্রিম কোর্টকি ভর্দিক্ট অসীবু য়ানিংদবা ফোঙদোক্নরকপা লেপত্রিবনি। ওল ইন্দিয়া মুসলিম পার্সনেল লো বোর্দ না মীয়ামদা, মরূ ওইনা লৈবাক অসীদা লৈরিবা মুসলমানশিংগী মফমদা লাউথোরকখিবগী মতূঙ ইন্না, চৎলিবা ওক্তোবর থাগী অহুমদা মনিপুরদা লৈরিবা মুসলমানশিংনা খুন্দারিবা মফম পূম্নমক্তা শিন্থা লেপ্তুনা, স্কুল কল্লেজশিংগী ফঙ্কসন লেপ্তুনা অকনবা প্রোটেষ্ট তৌননবা থৌরাং তৌনরকখি অদূম ওইনমক লৈবাক অসীদা লৈরিবা অতৈ কম্যুনিতিশিংগী ফেষ্টিবেলশিং লৈখিবগী সোলিদারিটি ঊত্তুনা মতম খরা য়ৈথোকখ্রে হায়না ওল ইন্দিয়া মুসলিম পার্সনেল লো বোর্দনা নৌনা লাউথোরকখ্রে।

মুসলমানশিংনা খুন্দারিবা লৈবাক অসীগী অতৈ মফম পূম্নমক্তসু চপ মান্নবা খোঙজঙ চঙশীন্দুনা সুপ্রিম কোর্টকি অনৌবা ভর্দিক্ট অসীবু য়ানিংদবা ফোঙদোক্ননবা শেম শাবদি অদুম্মক লৈরি। ভর্দিক্ট অসী হন্দোকত্রিবা ফাওবা খোঙজঙশিং মথঙ-মথঙ চঙশিন্ননবা মুসলমানশিংনা শেম-শাদুনা লৈরি।