দিফেন্স রিছার্স এন্দ দেভলপমেন্ট ওরগনাইজেসন (দি আর দি ও) অমসুং ইন্দিয়ান নেভি অনীনা খূৎশম্নরগা ভর্টিকেল লোঞ্চ সোর্ট রেঞ্জ সরফেস-টু এয়র মিসাইল (ভি এল- এস আর এস এ এম) মায় পাক্না ফ্লাইট টেষ্ট তৌখ্রে। ওরিষ্যাগী সমুদ্র খোঙবান মনাক্তা লৈরিবা চান্দিপুরগী ইন্টিগ্রেটেড টেষ্ট রেঞ্জ( আই টি আর) দগী চাংয়েং ফ্লাইট অদূ মায় পাক্না পাঙথোকখিবনি। থা অসীগী ১২ গী নুংথিল পূং অহুমলোম তারকপদা ফ্লাইট টেষ্ট অদূ পাঙথোকখি। হায়রিবা চাংয়েং অদূ লেন্দ-বেজ ভর্টিকেল লোঞ্চর অমদগী পাঙথোকখি।
অনেম্বা ওলটিচুদতা য়াম্না অয়াঙবা খোঙজেলদা পাইরিবা এরিয়েল টারগেট অমদা চপ চানা পানবা ঙম্ননবা হোৎনদুনা চাংয়েং তৌখিবদা টারগেট অদূদা চপ চানা পানবা ঙমখি হায়রী। চাংয়েং মায় পাক্না চত্থখিবা অদুদা ইন্দিয়ান নেভি অমসুং দি আর দি ও গী মফমদা য়ুনিয়ন দিফেন্স মিনিষ্টর রাজনাথ সিংহনা ঙমখৈ লৈতনা থাগৎপা ফোঙদোকখি।
থৌওং অসীনা ভি এল- এস আর এস এ এম ৱিপন সিষ্টেম অসীগী ইফেক্তিবনেস অমসুং রিলায়েবিলিটি য়াম্না হেঙ্গৎহল্লে হায়নসু দিফেন্স মিনিষ্টরনা ফোঙদোকখি। দি আর দি ওগী চ্যেরমেন অমসুং দিপার্টমেন্ট ওফ দিফেন্স রিছার্স এন্দ দেভলপমেন্টগী সেক্রেটরি দা. সমির ভি কামৎনসু ফ্লাইট টেষ্ট অদুদা শরুক য়াখিবা টিম অদূবু থাগৎপা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা