ঙরাং ফিল্লিপিন্সতা কা হেন্না অকনবা মওংদা হারকখিবা য়ুহার হাবগী থৌদোক্তা লমদম অদূদা লৈরিবা য়ূম- কৈ, ফূরা-দল্লাল কয়ামরুম মশীঙ থীঙমদনা অমাঙ- অতা থোক্তুনা ঊফূল ওলহনখিবগী মথক্তা মীওই অনীসু থৌদোক্তুদা শিখ্রে।
রিচটর স্কেলদা মেগনিচুদ ৭.৪ য়ৌনা নীক্লকখিবা য়ুহার অদূনা মরম ওইরগা লৈঙাক্কি অথোরিটিনা মীয়ামদা সুনামি থোকহল্লকপা য়াই হায়বগী ৱার্নিংগা লোয়ননা শাফগদবা মফমশিংদা মীয়াম হোংদোক্নবা খঙহনখ্রে। ফিল্লিপিন্স ইন্সটিট্যুট ওফ ভোলকেনোলোজি এন্দ সিস্মোলোজিনসু সমুদ্র মপান্দা লৈরিবা মীওইশিং সুনামিগী খুদোংথীবদগী নান্থোকহৌননবা অকনবা চেকশীল ৱাফম কয়া পীখ্রে।
য়ু এস সুনামি ৱার্নিং সিষ্টেম্না মীয়ামদা চেকশীল ৱাফম থম্লদুনা য়ুহার হাবগী থৌদোক্তুগী মীটর ৩০০ না কোনবা মফমশিংদা লৈরিবশিং খরা হেন্না শাফগদবা মফমশিংদা হোংদোরক্নবা চেকশীল ৱাফম থম্লক্লি। লৈবাক অদূগী প্রসিদেন্ট ফর্দিনান্দ মার্কোস জুলিয়রনা ওইরক্লিবা ফীভমশিং য়েংশিনখিবগা লোয়ননা মীয়াম অশোক- অপন য়াওহন্দনবা থবক অকনবা মওংদা পায়খৎনবা অথোরিটিশিংদা খঙহনখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা