ইম্ফাল ম্যুনিসিপাল কোরপোরেসনগী ম্যুনিসিপাল কম্মিস্নার কে চন্দ্রকুমারনা খূৎয়েক পীদুনা থাদোরকখিবা পব্লিক নোটিস অমগী মতূঙ ইন্না, কনাগুম্বা মীওইশিংনা মশাগী য়ূম, বিল্ডিংনচিংবা নৌনা শাগৎপা নত্রগা অরীবা য়ূম, বিল্ডিংনচিংবা থুগাইবগী অকায়- অতোইশিং- চেক, নূঙ, লৈঙোইনচিংবা কয়ামরুম মীয়াম্না চৎনরিবা লম্বীদা পৈশিন্দুনা থম্লে হায়বা খঙবা ঙম্লে। অসিগুম্বা থৌওংশিং অসিনা মরম ওইদুনা লম্বী চৎলিবা গারিশিং অমদি মীয়ামদা চাউনা অপনবা পীবতা নত্তনা এক্সিদেন্ট কয়া থোকহন্নবগী অচৌবা মরমসু ওইহল্লে হায়রি।
মরম অদুনা মনিপুর ম্যুনিসিপালিটিজ এক্ট, ১৯৯৪ গী সেক্সন ১১৪,১১৫ অমসুং ১১৬ কি মখাদা মীয়ামদা খঙহল্লিবদি, কনাগুম্বা লন্নাই মীওই নত্রগা ভেন্দর অমত্তনা মীয়াম চৎনরিবা লম্বীদা অসীগুম্বা য়ূম শাবগী অমসুং শীদোকখিবগী অতেক- অকায়শিং পৈশিন্দুনা অপনবা পীবা য়ারোই। নিয়মশিং অসি থুগাইরকপা মীওইশিং এক্ট অসিগী সেক্সন ১১৫(২) গী মখাদা অকনবা দন্দিগা লোয়ননা ফাইন ওইনা লূপা ২৫০০ সু লৌখৎপা য়াই হায়রি।
মরম অদূনা মীয়াম চৎনরিবা লম্বীদা কনাগুম্বা অমত্তনা ফত্ত- হৌদিশিং- চেক, য়োৎ, নূঙ, লৈঙোয়নচিংবা পৈশিনবা য়ারোই, পৈশিল্লম্বা তারবসু খূদক্তা লৌথোক্কদবনি হায়রি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে