নূঙ্গৈ আউটপোষ্ট তা দ্যুটি তৌরিঙৈদা কার্দাইক এরেষ্ট তৌরকপদগী ঈখঙ খঙহৌদনা তাইবংপান থাদোকখ্রবা ভিল্লেজ দিফেন্স ফোর্সকি পার্সনেলগী ঈমূঙদা থৌবাল দিষ্ট্রিক্ট ভি দি এফ ৱেলফ্যের এসোসিয়েসন্না থা অসীগী ১৬ তা শেলগী মতেঙ পাংখ্রে।
লৈখিদ্রবা ভি দি এফ পার্সনেল থীয়াম ব্রোজেন সিংহগী পোকমীন্নবা ময়াম্বা থীয়াম রাকেশতা এসোসিয়েসন অসীগী থৌমীশিংনা শেল ওইনা লূপা লাখ ১.৫ গী শেনফম খূৎশীন্ন খিবনি। থৌবাল দিষ্ট্রিক্ট পুলিসকি এস পি সিবান্দ শুরভেগী মীৎয়েং মখাদা ভি দি এফ ৱেলফ্যের এসোসিয়েসন্না তেঙবাং অদূ পীখিবনি। ব্রোজেন সিংহ অসী ঈখঙ খঙহৌদনা কার্দাইক এরেষ্ট তৌরকপদগী খূদক্তা থৌবাল দিষ্ট্রিক্ট হোস্পিটালদা পুখত্তুনা মতম খরা লায়কন্নদুনা লৈরম্লবা মতূঙদা চৎলিবা জূন থা অসীগী ৬ তা লৈখিদবনি।
এসোসিয়েশন অসীনা মশীগী মেম্বরশিং অৱা-অনা মায়োক্নরকপা অমসুং লৈখিদবা মতমদা চাং নাইনা তেঙবাং পীদূনা লাক্লিবনি। ভি দি এফশিংগী ওনরেরিয়ম হেঙ্গৎপিনবা এসোসিয়েসন্না লৈঙাক্কি মীৎয়েং চিংশিনখি। তেঙবাংগী শেনফম অদূ থৌমীশিংনা মশা- মশাগী লৈজবা শেনফম পুথোক্নরগা মতেঙ পাংখিবনি
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা