হৌখিবা চয়োল অমগী মতমসিদা আই জি এ আর (সাউথ) কি মীৎয়েং মখাদা অসাম রাইফলসনা মনিপুরগী তোঙান তোঙানবা মফমশিংদা ফ্রি মেদিকেল অমসুং দেন্টেল কেম্প কয়ামরুম পাঙথোক্তুনা মনূঙ হঞ্জিন্না লৈরিবা, অনা- লায়েংগী খুদোংচাবশিং য়াম্না ৱাৎনা ফংবা মফমশিং অমসুং হীঙশাগী ঈরাংনা মরম ওইদুনা রিলিফ কেম্প শিংদা চঙজফম লৌদুনা লৈরিবা আই দি পি শিংদা মেদিকেল ট্রিটমেন্ট কি খুদোংচাবা পীদুনা লেম্না লায়েংবগী থৌরমশিং চত্থখ্রে।
চুরাচান্দপুর দিষ্ট্রিক্টকি মফমশিং, তেংনৌপল অমসুং চান্দেল দিষ্ট্রিক্ট কি মনূঙচন্না লৈরিবা রিলিফ কেম্পশিংদা পাঙথোকখিবা মেদিকেল কেম্পশিংদা অসাম রাইফলসকি মেদিকেল অমসুং পেরামেদিকেল ষ্টাফশিংনা শরুক য়ারদুনা হীদাক- লাংথকশিং অমসুং মেদিকেল ইক্বিপমেন্ট কয়াসু দরকার লৈবা অনাবা মীওইশিংদা য়েন্থোকখি।
দাইবেটিস, হায়পরটেন্সন, ফেবরনচিংবা লায়না-লাইওং কয়া স্ক্রিনিং, হেল্থ চেক- অপনচিংবা তৌদুনা য়েংশিল্লবা মতুঙদা লায়েং চত্থখি। দেন্টেল কেম্প খরসু পাঙথোক্তুনা খুঞ্জাশিংদা য়াগী অমসুং য়ারী-য়াখোঙগী অনাবশিং লায়েংখি। অসাম রাইফলসকি মেদিকেল কেম্পশিং অদুদা লোকেল পেরামেদিকেল ষ্টাফশিং অমসুং নহারোলশিংনা মতেং পাংখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে