কাংপোকপী অমসুং সেনাপটি পুলিসকি খূৎপূনা দ্রগকি মায়োক্তা চঙশীল্লকপা দ্রাইবকি মনূঙদা য়াম্না শীঙথানিঙায় ওইরবা রিকোভরি অমদা চৎলিবা জুলাই থা অসীগী ২৪ দা মীওই মরিদগী হেরোইন পাউদর ওইগনি থাজবা দ্রগ কিলোগ্ৰাম ৩.৫ অমসুং শেল ওইনা লূপা লাখ ৯৯,০৯,৮৫০ ফাগৎপা ঙমখ্রে।
কাংপোকপী পুলিসকি মনূঙচন্না লৈরিবা টি খুল্লেনদা লৈবা য়ূম অমদা পুলিসনা অকক্নবা ইন্টিলিজেন্স কি পাউ অমদা য়ূম্ফম ওইরগা খঙহৌদনা রেইদ চত্থবদা য়াম্লবা দ্রগ অমসুং শেনফমশিং অদূ ফাগৎপা ঙমখিবনি। দ্রগকি পোৎলমশিং অদূ শাপোন কেপ ২৭৩ দা হাপ্তুনা থম্লম্বনি হায়না পুলিসকি মায়কৈদগী ফোঙদোরকখি।
দ্রগ অমসুং য়াম্লবা শেনফমগা কোন্ননা ফাগৎলবা মীওই মরী অদূগী মনূঙদা অহুমদি ময়ূম- মকৈ পাল্লবা মৌ নহাশিংনি অদুগা মীওই অমনা নূপানি হায়রি। টি খুল্লেন্দগী নূপী অহুম অদূদি এস পৌবিনা তিনামৈ (৩১) , পি এফ অদাফ্রো (৩৪) অমসুং এস বোইবিনা (২৯) নি অদুগা নুপা অদুনা খুন্দোং খুনখাইবা ভিল্লেজদগী লুংদিনিবৌ থায়মৈ কৌই হায়রি। মখোয় অহুমগী মথক্তা পুলিসনা মরী লৈনবা এক্ট কি মখাদা কেস অমা লৌখত্তুনা মখাতানা থিজিনবা হৌখ্রে হায়না ফোঙদোরক্লি।