লৈবাক অসীগী ভাইস প্রসিদেন্ট ওইনা লৈরম্বা জগদ্বিপ ধঙ্করনা হন্দক ইখঙ খঙহৌদনা মশাগী ফমদগী রিজাইন তৌখ্রবা মতূঙদা হাঙদুনা লৈহৌরিবা ভাইস প্রেসিডেন্টকি ফম অসী মেন্সিন্নবগীদমক ইলেক্সন কম্মিসন ওফ ইন্দিয়া (ই সি আই) না অকনবা থৌরাংশিং লৌখৎপা হৌখ্রে।
কন্সটিট্যুসনগী আর্টিকল ৩২৪ গী মখাদা থৌরাং অসী লৌখৎলকপনি। প্রসিদেন্টসিয়েল অমসুং ভাইস প্রসিদেন্টসিয়েল ইলেক্সন এক্ট, ১৯৫২ গী সেক্সন ৩ গী মতূঙ ইন্না সেন্টর লৈঙাক্কা তানরবা মতূঙদা ই সি আইনা মীখল অসীগীদমক হৌজিক ফাওবদা রিটর্নিং ওফিসার অমা হাপখ্রে।কনভেন্সনগী মতূঙ ইন্না লোক সভাগী সেক্রেটরি জেনরেল নত্রগা রাজ্য সভাগী সেক্রেটরি জেনরেল অনী অসীগী মরক্তা রোটেসন তৌদুনা রিটর্নিং ওফিসার ওইনা থৌ পুহনবনি।
মমাঙগী ভাইস প্রসিদেন্ট গী মীখলদা লোক সভাগী সেক্রেটরি জেনরেলবু রিটর্নিং ওফিসার ওইনা থবক পুহনখ্রবা মরম্না হন্দক পাঙথোক্কদৌরিবা ভাইস প্রেসিডেন্ট মীখল অসীগীদমক রাজ্য সভাগী সেক্রেটরি জেনরেলবু রিটর্নিং ওফিসার ওইনা খনখি। রাজ্য সভা সেক্রেটরিয়েটকি জোইন্ট সেক্রেটরি গারিমা অমসুং সেক্রেটরিয়েট অসীগী দিরেক্তর বিজয় কুমার হায়রিবা ওফিসার অনী অসীসু হন্দক্কি ভাইস প্রসিদেন্টকি মীখল অসীদা এসিষ্টেন্ট রিটর্নিং ওফিসার শিং ওইনা এপ্পোইন্ট তৌখ্রে হায়রি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর